Samráð fyrirhugað 25.06.2020—16.08.2020
Til umsagnar 25.06.2020—16.08.2020
Niðurstöður í vinnslu frá 16.08.2020
Niðurstöður birtar

Drög að reglugerð um skráningu einstaklinga

Mál nr. 121/2020 Birt: 25.06.2020
  • Samgöngu- og sveitarstjórnarráðuneytið
  • Drög að reglugerð
  • Málefnasvið:
  • Hagskýrslugerð, grunnskrár og upplýsingamál

Til umsagnar

Umsagnarfrestur er 25.06.2020–16.08.2020. Umsagnir eru birtar jafnóðum og þær berast. Niðurstöður samráðsins verða birtar þegar unnið hefur verið úr þeim ábendingum og athugasemdum sem berast.
Senda inn umsögn

Málsefni

Til umsagnar eru drög að reglugerð um skráningu einstaklinga, með vísan til samnefndra laga nr. 140/2019.

Lög nr. 140/2019 um skráningu einstaklinga tóku gildi þann 1. janúar 2020 að undanskildum 2. og 3. mgr. 11. gr. og 2. og 4. mgr. 12. gr. laganna sem taka gildi 1. janúar 2021 og 1. mgr. 14. gr. laganna sem taka gildi 1. janúar 2022.

Drögin að reglugerðinni voru unnin í samráði við Þjóðskrá Íslands og að hluta í samráði við Persónuvernd svo sem lög gera ráð fyrir.

Markmið reglugerðarinnar er að stuðla að því að haldin sé áreiðanleg skrá yfir einstaklinga og að skráningin sé rétt svo að hún skapi grundvöll fyrir tiltekin réttindi og tilteknar skyldur einstaklinga. Enn fremur er það markmið að skráning upplýsinga í þjóðskrá og tengdar skrár byggist á bestu fáanlegu gögnum á hverjum tíma. Í reglugerðardrögunum er lagt upp með að upplýsingagjöf verði rafræn og útgáfa vottorða verði að mestu rafræn. Þá er vakin athygli á því að gert er ráð fyrir í e. lið 2. mgr. 2. gr. að tilkynningar um nafngjafir skuli berast frá forsjáraðilum barna og er það breyting frá því sem verið hefur.

Svo sem fram kemur hér að framan hafa nokkur ákvæði laga um skráningu einstaklinga ekki tekið gildi. Ástæða þess eru fyrst og fremst tæknilegar ástæður. Gert er ráð fyrir að ný ákvæði bætist við reglugerðina fyrir gildistöku ákvæðanna og verða þau ákvæði kynnt í samráðsgátt þegar þar að kemur.

Vakin skal athygli á því að 15. gr. reglugerðardraganna er enn í vinnslu en hagsmunaaðilar eru sérstaklega hvattir til að koma með athugasemdir við IV. kafla reglugerðarinnar.

Frestur til að skila umsögn um drög að reglugerð um skráningu einstaklinga er til og með 16. ágúst nk.

Viltu senda inn umsögn um málið?

Smelltu hér til að skrá þig inn með Íslykli eða rafrænni auðkenningu.

Ef umsögnin er send fyrir hönd samtaka, fyrirtækis eða stofnunar þarf umboð þaðan, sjá nánar hér.