Tímalína máls

1

Til umsagnar

  • 25.6.–16.8.2020

2

Í vinnslu

  • 17.8.2020–20.9.2021

3

Samráði lokið

  • 21.9.2021

Skjöl til samráðs

Mál nr. S-121/2020

Birt: 25.6.2020

Fjöldi umsagna: 14

Drög að reglugerð

Innviðaráðuneytið

Hagskýrslugerð og grunnskrár

Drög að reglugerð um skráningu einstaklinga

Niðurstöður

Niðurstaða málsins er í stuttu máli sú að sett hefur verið reglugerð til nánari útfærslu á lögum um skráningu einstaklinga.

Málsefni

Til umsagnar eru drög að reglugerð um skráningu einstaklinga, með vísan til samnefndra laga nr. 140/2019.

Nánari upplýsingar

Lög nr. 140/2019 um skráningu einstaklinga tóku gildi þann 1. janúar 2020 að undanskildum 2. og 3. mgr. 11. gr. og 2. og 4. mgr. 12. gr. laganna sem taka gildi 1. janúar 2021 og 1. mgr. 14. gr. laganna sem taka gildi 1. janúar 2022.

Drögin að reglugerðinni voru unnin í samráði við Þjóðskrá Íslands og að hluta í samráði við Persónuvernd svo sem lög gera ráð fyrir.

Markmið reglugerðarinnar er að stuðla að því að haldin sé áreiðanleg skrá yfir einstaklinga og að skráningin sé rétt svo að hún skapi grundvöll fyrir tiltekin réttindi og tilteknar skyldur einstaklinga. Enn fremur er það markmið að skráning upplýsinga í þjóðskrá og tengdar skrár byggist á bestu fáanlegu gögnum á hverjum tíma. Í reglugerðardrögunum er lagt upp með að upplýsingagjöf verði rafræn og útgáfa vottorða verði að mestu rafræn. Þá er vakin athygli á því að gert er ráð fyrir í e. lið 2. mgr. 2. gr. að tilkynningar um nafngjafir skuli berast frá forsjáraðilum barna og er það breyting frá því sem verið hefur.

Svo sem fram kemur hér að framan hafa nokkur ákvæði laga um skráningu einstaklinga ekki tekið gildi. Ástæða þess eru fyrst og fremst tæknilegar ástæður. Gert er ráð fyrir að ný ákvæði bætist við reglugerðina fyrir gildistöku ákvæðanna og verða þau ákvæði kynnt í samráðsgátt þegar þar að kemur.

Vakin skal athygli á því að 15. gr. reglugerðardraganna er enn í vinnslu en hagsmunaaðilar eru sérstaklega hvattir til að koma með athugasemdir við IV. kafla reglugerðarinnar.

Frestur til að skila umsögn um drög að reglugerð um skráningu einstaklinga er til og með 16. ágúst nk.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Samgöngu- og sveitarstjórnarráðuneytið

srn@srn.is