Tímalína máls

1

Til umsagnar

  • 10.–31.7.2020

2

Í vinnslu

  • 1.8.2020–

Samráði lokið

Skjöl til samráðs

Mál nr. S-135/2020

Birt: 10.7.2020

Fjöldi umsagna: 12

Drög að reglugerð

Innviðaráðuneytið

Samgöngu- og fjarskiptamál

Drög að reglugerð um gerð og búnað reiðhjóla

Málsefni

Samgöngu- og sveitarstjórnarráðuneytið birtir til umsagnar drög að nýrri reglugerð um gerð og búnað reiðhjóla.

Nánari upplýsingar

Með drögunum er lagt til að sett verði ný heildarreglugerð um gerð og búnað reiðhjóla sem felli úr gildi reglugerð um gerð og búnað reiðhjóla nr. 57/1994.

Með drögunum eru lagðar til eftirfarandi breytingar frá gildandi reglugerð um gerð og búnað reiðhjóla:

• Gildissvið reglugerðarinnar verði skýrt og taki almennt aðeins til hefðbundinna fótstiginna reiðhjóla. Þó taki tiltekin ákvæði einnig til lítilla vélknúinna ökutækja á borð við vélknúin hlaupahjól og tvíhjóla ökutæki á einum öxli sem skilgreind eru sem reiðhjól skv. c-lið 30. tölul. 2. gr. umferðarlaga

• Nýtt ákvæði um gerð og eiginleika rafdrifinna reiðhjóla í samræmi við ákvæði umferðarlaga

• Ákvæði um lýsingu og glitmerki skýrð og settar inn lágmarkskröfur til ljósabúnaðar sem skylt er skv. umferðarlögum að notast við í myrkri eða við aðstæður þar sem skyggni er skert

• Ákvæði um hliðar- og eftirvagna bætt við í samræmi við ákvæði umferðarlaga, m.a. um fjölda leyfilegra vagna og um hámarkslengd og -breidd reiðhjóls með áföstum vögnum.

• Ákvæði um flutning farþega bætt við. Lagt til að flytja megi einn farþega auk ökumanns eða allt að þrjá farþega og tvö börn undir 7 ára aldri sé reiðhjól sérstaklega útbúið til þess. Með hliðar- eða eftirvagni megi flytja allt að tvo farþega. Lagt er til að gerð verði krafa um sérstök sæti fyrir börn sem hæfa þyngd og hæð barns auk þess sem börn sem flutt eru með reiðhjóli skuli fest með öryggisbelti. Þá skuli allir farþegar í hliðar- eða eftirvögnum festir með öryggisbelti nema vagnarnir séu útbúnir með hnakki, handföngum og fótstigi fyrir farþega. Ákvæði um fjölda farþega á sérstaklega útbúnum reiðhjólum og í vögnum, auk ákvæða um öryggisbelti eiga sér fyrirmynd í dönskum reglum.

• Í ákvæði um hemla er lagt til að gerð verði krafa til þess að hemlar skuli virka án þess að veður eða aðrir utanaðkomandi þættir hafi afgerandi áhrif á virkni þeirra og að reiðhjól með fleiri en tvö hjól skuli búin stöðuhemli að danskri fyrirmynd.

• Ákvæði bætt við um lítil vélknúin ökutæki sem teljast til reiðhjóla. Lagt er til að slík tæki skuli búin glitmerkjum og ljósum. Þá sé óheimilt að flytja farþega á tækjunum nema þau séu sérstaklega útbúin til þess.

• Lagt er til að Samgöngustofu verði veitt heimild til að veita undanþágur frá ákvæðum reglugerðarinnar þegar sérstakar ástæður mæla með því og slíkt er talið forsvaranlegt með tilliti til öryggis.

Í vinnslu

Umsagnir voru birtar jafnóðum og þær bárust. Skoða umsagnir.

Umsjónaraðili

Skrifstofa samgangna

postur@srn.is