Samráð fyrirhugað 13.07.2020—17.08.2020
Til umsagnar 13.07.2020—17.08.2020
Niðurstöður í vinnslu frá 17.08.2020
Niðurstöður birtar

Drög að reglum um styrkveitingar utanríkisráðuneytisins til félagasamtaka og fyrirtækja í þróunarsamvinnu

Mál nr. 136/2020 Birt: 13.07.2020
  • Utanríkisráðuneytið
  • Drög að reglugerð
  • Málefnasvið:
  • Utanríkismál

Til umsagnar

Umsagnarfrestur er 13.07.2020–17.08.2020. Umsagnir eru birtar jafnóðum og þær berast. Niðurstöður samráðsins verða birtar þegar unnið hefur verið úr þeim ábendingum og athugasemdum sem berast.
Senda inn umsögn

Málsefni

Utanríkisráðuneytið birtir til umsagnar drög að reglum um styrkveitingar til félagasamtaka og fyrirtækja í þróunarsamvinnu. Í drögunum eru gildandi úthlutunarreglum steypt saman og þær uppfærðar en skilyrði og matsviðmið eru að mestu óbreytt.

Utanríkisráðuneytið óskar eftir umsögn um drög að reglum um styrkveitingar utanríkisráðuneytisins til félagasamtaka og fyrirtækja í þróunarsamvinnu, með vísan til 6. gr. laga um alþjóðlega þróunarsamvinnu, nr. 121/2008, ákvæða 42. gr. laga um opinber fjármál, nr. 123/2015 og reglugerðar um styrkveitingar ráðherra, nr. 642/2018.

Drögin taka mið af gildandi reglum ráðuneytisins í málaflokknum um styrkveitingar utanríkisráðuneytisins úr Samstarfssjóði við atvinnulíf um heimsmarkmið Sameinuðu þjóðanna, nr. 1080/2018 og reglum um styrkveitingar utanríkisráðuneytisins til félagasamtaka í þróunarsamvinnu og mannúðaraðstoð, nr. 300/2019.

Í drögunum hefur gildandi úthlutunarreglum verið steypt saman í eitt regluverk og þær uppfærðar en skilyrði og matsviðmið fyrri reglna eru að mestu óbreytt.

Samhliða birtingu endanlegra reglna verða ýtarlegri verklagsreglur fyrir málaflokkana, þ.e. fyrir fyrirtæki og félagasamtök jafnframt birtar á heimasíðu stjórnarráðsins.

Tengd mál

Viltu senda inn umsögn um málið?

Smelltu hér til að skrá þig inn með Íslykli eða rafrænni auðkenningu.

Ef umsögnin er send fyrir hönd samtaka, fyrirtækis eða stofnunar þarf umboð þaðan, sjá nánar hér.