Til umsagnar
26.7.–16.8.2020
Í vinnslu
17.8.–16.9.2020
Samráði lokið
17.9.2020
Mál nr. S-139/2020
Birt: 26.7.2020
Fjöldi umsagna: 7
Áform um lagasetningu
Umhverfis-, orku- og loftslagsráðuneytið
Umhverfismál
Alls bárust sex umsagnir um áformin. Frumvarp var í kjölfarið unnið í umhverfis- og auðlindaráðuneytinu og auglýst til umsagnar í Samráðsgáttinni þann 3. september 2020. Sjá 5. kafla í greinargerð fyrir afstöðu ráðuneytisins til athugasemda sem bárust um áformin í máli nr. 169/2020.
Umhverfis- og auðlindaráðherra áformar að leggja fram frumvarp til laga um breytingu á lögum nr. 60/2013, um náttúruvernd (málsmeðferð o.fl.)
Þar sem nokkur reynsla er komin á framkvæmd friðlýsinga í samræmi við þá málsmeðferð sem lýst er í 36. gr. og 38.- 40. gr. laga nr. 60/2013 um náttúruvernd, er með áformuðu frumvarpi ætlunin að leggja til að kynningarferli áformaðra friðlýsinga, sem ekki eru á náttúruminjaskrá, verði stytt. Jafnframt er áformað að tími sá sem ætlaður er til að kynna drög að friðlýsingarskilmálum verði styttur frá því sem hann er í dag.
Þá er áformað að heimild ráðherra til að veita undanþágur frá ákvæðum friðlýsinga verði fluttar til Umhverfisstofnunar. Með því að færa undanþáguheimildir frá ákvæðum friðlýsingar til Umhverfisstofnunar skapast tækifæri til að fá ákvörðun endurskoðaða á stjórnsýslustigi.
Einnig er áformað að ítrekuð verði sú skylda að kortleggja óbyggð víðerni og að bann við losun úrgangs verði rýmkað.
Umsagnir voru birtar jafnóðum og þær bárust. Skoða umsagnir.
Skrifstofa landgæða
postur@uar.is