Félagsmálaráðuneytið hefur haft til endurskoðunar reglugerð 1034/2018 um starfsleyfi til félagasamtaka, sjálfseignastofnana og annarra einkaaðila sem veita félagsþjónustu. Í reynslunnar er það mat ráðuneytisins að skerpa þurfi á ákvæðum reglugerðarinnar. Markmiðið reglugerðarinnar er að stuðla að og tryggja að umgjörð félagsþjónustu sem veitt er af einkaaðilum sé í samræmi við lög og reglur á sviðinu og uppfylli þær faglegu kröfur sem gera má til slíkra þjónustuaðila. Valdefling skal höfð að leiðarljósi í þjónustunni sem skal miða að því að einstaklingurinn taki virkan þátt í samfélaginu á eigin forsendum. Þjónustan skal taka mið af einstaklingsbundnum þörfum og aðstæðum. Í drögum að reglugerð þessari er m.a. fjallað um starfsleyfisskyldu einkaaðila og skilyrði starfsleyfa.