Samráð fyrirhugað 03.09.2020—17.09.2020
Til umsagnar 03.09.2020—17.09.2020
Niðurstöður í vinnslu frá 17.09.2020
Niðurstöður birtar 23.11.2020

Áform um frumvarp til laga um brottfall ýmissa laga á málefnasviði samgöngu- og sveitarstjórnarráðuneytisins

Mál nr. 156/2020 Birt: 03.09.2020 Síðast uppfært: 17.12.2020
  • Samgöngu- og sveitarstjórnarráðuneytið
  • Áform um lagasetningu
  • Málefnasvið:
  • Sveitarfélög og byggðamál
  • Samgöngu- og fjarskiptamál

Niðurstöður birtar

Engar umsagnir bárust um áform um frumvarp til laga um brottfall ýmissa laga á málefnasviði samgöngu- og sveitarstjórnarráðuneytisins. Drög að frumvarpi verða birt í samráðsgátt til umsagnar í ársbyrjun 2021.

Ferill máls

Málið var opið til umsagnar í gáttinni á tímabilinu 03.09.2020–17.09.2020. Umsagnir voru birtar jafnóðum og þær bárust. Skoða umsagnir. Unnið var úr þeim ábendingum og athugasemdum sem bárust og niðurstöður samráðsins birtar 23.11.2020.

Málsefni

Samgöngu- og sveitarstjórnarráðherra áformar að leggja fram á Alþingi frumvarp til laga um brottfall ýmissa laga á málefnasviði ráðuneytisins. Ætlunin er að fella brott lagabálka sem hafa ekki þýðingu lengur. .

Ýmsir lagabálkar á málefnasviði ráðuneytisins hafa lokið hlutverki sínu eða eru orðnir úreltir án þess þó að hafa verið formlega felldir á brott. Viðkomandi lagabálkar eiga ekki lengur við, ýmist sökum þess að heildarendurskoðun regluverks á málefnasviði ráðuneytisins hefur leyst af hólmi sérsniðin lagaákvæði sem ekki hafa verið felld brott, eða vegna þess að hlutverk þeirra var afmarkað í tíma.

Með fyrirhuguðu frumvarpi er stefnt að því að löggjöf sem ekki hefur þýðingu lengur verði felld á brott og með því stuðlað að betra samræmi og yfirsýn að því er varðar gildandi rétt, á þeim sviðum sem löggjöfin snertir.

Tengd mál