Til umsagnar
24.8.–7.9.2020
Í vinnslu
8.9.–7.10.2020
Samráði lokið
8.10.2020
Mál nr. S-157/2020
Birt: 24.8.2020
Fjöldi umsagna: 0
Drög að reglugerð
Fjármála- og efnahagsráðuneytið
Markaðseftirlit og neytendamál
Uppfærð reglugerðardrög voru birt í samráðsgátt stjórnvalda 8. október 2020. Þar er ekki gert ráð fyrir innleiðingu á reglugerð (ESB) 2017/2188 að sinni því talið er heppilegra að innleiða hana að þýðingu lokinni. Aftur á móti er gert ráð fyrir því þar að innleiða hluta reglugerðar (ESB) 2020/873.
Ráðgert er að veita fjórtán Evrópugerðum er varða lánastofnanir og verðbréfafyrirtæki gildi hér á landi.
Evrópugerðirnar fjórtán breyta allar eða útfæra nánar reglugerð (ESB) 575/2013, um varfærniskröfur að því er varðar lánastofnanir og verðbréfafyrirtæki (CRR), og tilskipun 2013/36/ESB, um aðgang að starfsemi lánastofnana og varfærniseftirlit með lánastofnunum og verðbréfafyrirtækjum (CRD IV), sem saman mynda hryggjarstykkið í löggjöf Evrópusambandsins um lánastofnanir og verðbréfafyrirtæki og hafa að mestu þegar verið teknar upp í íslenskan rétt. Innleiðing Evrópugerðanna fjórtán er ekki talin hafa veruleg áhrif hér á landi en Íslandi ber að taka þær upp í landsrétt samkvæmt EES-samningnum.
Efni Evrópugerðanna sem stendur til að innleiða er eftirfarandi:
1. Tíu gerðanna (reglugerðir (ESB) 591/2014, 1317/2014, 2015/880, 2015/2326, 2016/892, 2016/2227, 2017/954, 2017/2241, 2018/815 og 2018/1889) framlengdu ítrekað tímabundin ákvæði varðandi svonefnda miðlæga mótaðila sem eru milligönguaðilar í afleiðuviðskiptum.
2. Tvær gerðir (reglugerð (ESB) 650/2014 með breytingum samkvæmt reglugerð (ESB) 2019/912) útfæra nánar fyrirmæli um upplýsingar sem lögbær yfirvöld skulu birta.
3. Ein gerð (reglugerð (ESB) 2016/1014) framlengdi undanþágur verðbréfafyrirtækja sem sýsla með hrávörugerninga frá ákvæðum um stórar áhættuskuldbindingar og eiginfjárgrunn.
4. Ein gerð (reglugerð (ESB) 2017/2188) felldi brott tímamörk sem vörðuðu gerninga sem frönsk Fonds Communs de Créances gefa út.
Umsagnir voru birtar jafnóðum og þær bárust. Skoða umsagnir.
Skrifstofa fjármálamarkaðar
gunnlaugur.helgason@fjr.is