Áformað frumvarp leggur til breytingar á lögum nr. 52/1989 í samræmi við nokkrar tillögur í skýrslu starfshóps um drykkjarvöruumbúðir frá júlí 2018 til að bæta umhverfi endurvinnslu og skilagjalds á umbúðir fyrir drykkjarvörur.

Áformað er að samræma orðalag ákvæða við lög um meðhöndlun úrgangs og lög um úrvinnslugjald sbr. myndun hringrásarhagkerfisins. Þá er einnig áformað að bæta við markmiðsákvæði í lögin.

Áformað er að skilakerfið nái til fleiri aðila, að skilagjald hækki í samræmi við vísitölu neysluverðs og að umsýsluþóknun taki breytingum.