Með gildistöku laga nr. 79/2019, um breytingu á ýmsum lögum vegna brottfalls laga um kjararáð, nr. 130/2016 (launafyrirkomulag), var fjármála- og efnahagsráðherra veitt heimild til að setja almennar reglur um starfskjör þeirra sem fá laun samkvæmt sérákvæðum í lögum, sbr. 2. mgr. 39. gr. laga nr. 70/1996 um réttindi og skyldur starfsmanna ríkisins.

Núgildandi reglur nr. 490/2019 um starfskjör forstöðumanna taka til þeirra sem falla undir 39. gr. a. laga nr. 70/1996. Drög þessi taka mið að því að gildisvið framangreindra reglna verði rýmkað þannig þau taki einnig til þeirra sem fá laun samkvæmt sérákvæðum í lögum og falla undir 2. mgr. 39. gr. laga nr. 70/1996.

Meðal þeirra sem fá laun samkvæmt sérákvæðum í lögum eru ráðuneytisstjórar, seðlabankastjóri og ríkissáttasemjari. Fyrirhuguð breyting tekur ekki til þjóðkjörinna fulltrúa, dómara og ráðherra en starfkjör þeirra eru ákvörðuð á öðrum grundvelli.