Fyrirhugað er að birta drög að frumvarpi í samráðsgátt stjórnvalda í lok október 2020.
Málið var opið til umsagnar í gáttinni á tímabilinu 14.09.2020–28.09.2020.
Umsagnir voru birtar jafnóðum og þær bárust. Skoða umsagnir.
Unnið var úr þeim ábendingum og athugasemdum sem bárust og niðurstöður samráðsins birtar 20.10.2020.
Áform um breytingar á lögum um virðisaukaskatt og lögum um fjársýsluskatt.
Sú leið sem áformuð er með fyrirhuguðu frumvarpi er að leggja til breytingar á lögum um virðisaukaskatt í fjórum liðum auk þess sem lagðar verða til breytingar á lögum um fjársýsluskatt sem afleiddar breytingar af þeim áformuðu breytingum að skýra betur undanþágu fjármálastarfsemi frá virðisaukaskatti í lögum um virðisaukaskatt. Um er að ræða nauðsynlegar breytingar á ákvæðum laga um virðisaukaskatt er varða fjármálastarfsemi í ljósi þeirrar þróunar og tæknibreytinga sem átt hafa sér stað á sviði fjármálaþjónustu síðustu ár. Þá er áformað að leggja til framlengingu á ákvæðum til bráðabirgða XXXIII og XXXIV í lögunum til og með 31. desember 2021 og breytingar á ákvæði 4. mgr. 25. gr. laganna er kveður á um endurgreiðslu innskatts. Loks er áformað að lögfesta á ný ákvæði til bráðabirgða XXIX þess efnis að heimilt verði að fella niður virðisaukaskatt við innflutning á lyfjum sem gefin eru ríkinu eða stofnunum þess til nota við meðferð sjúklinga á heilbrigðisstofnunum. Um er að ræða nauðsynlegar breytingar á framangreindum ákvæðum.
Góðan dag
Meðfylgjandi er sameiginleg umsögn SA og SI um áform um frumvarp til laga um breytingu á lögum um virðisaukaskatt og lögum um fjársýsluskatt, mál nr. 188/2020.
Virðingarfyllst,
Björg Ásta Þórðardóttir,
yfirlögfræðingur SI
ViðhengiGott kvöld
Meðfylgjandi er umsögn Félags vinnuvélaeigenda (FVE), sem starfa innan raða Samtaka iðnaðarins, um áform um frumvarp til laga um breytingu á lögum um virðisaukaskatt og lögum um fjársýsluskatt, mál nr. 188/2020.
kveðja,
Björg Ásta Þórðardóttir,
yfirlögfræðingur Samtaka iðnaðarins
Viðhengi