Í áformum þessum um lagasetningu er greint frá fyrirhuguðum breytingum á ýmsum lögum um skatta og gjöld sem áformað er að leggja fram í safnlögum. Frumvarpið má m.a. rekja til stöðugleikaaðgerða ríkisstjórnarinnar sem ætlað er að stuðla að félagslegum og efnahagslegum stöðugleika í tengslum við Lífskjarasamninginn. Í frumvarpinu verður lögð til tímabundin lækkun á tryggingagjaldi auk nauðsynlegra leiðréttinga og annarra breytinga á ýmsum lögum um skatta og gjöld. Hér er m.a. um að ræða breytingar og samræmingu vegna lögfestra breytinga annarra laga, breytingar á skattalegu heimilisfesti, tollafgreiðslu, gjaldi fyrir löggildingu nokkurra starfsstétta, meðhöndlun brota á sviði tollamála, undanþágu rafknúinna ökutækja til vöruflutninga frá vörugjaldi og greiðslu á lágmarksbifreiðagjaldi í tilfelli rafmagns- og vetnisbifreiða, o.fl.