Samráð fyrirhugað 07.10.2020—21.10.2020
Til umsagnar 07.10.2020—21.10.2020
Niðurstöður í vinnslu frá 21.10.2020
Niðurstöður birtar 26.11.2020

Áform um frumvarp til laga um breytingu á sóttvarnalögum, nr. 19/1997 (opinberar sóttvarnaráðstafanir)

Mál nr. 212/2020 Birt: 07.10.2020 Síðast uppfært: 26.11.2020
  • Heilbrigðisráðuneytið
  • Áform um lagasetningu
  • Málefnasvið:
  • Lýðheilsa og stjórnsýsla velferðarmála

Niðurstöður birtar

Samráði lokið. Engar athugasemdir bárust og málinu lokið í ráðuneytinu. Ráðherra mælti fyrir frumvarpinu þann 25. nóvember 2020, sjá 329. mál á Alþingi: https://www.althingi.is/thingstorf/thingmalalistar-eftir-thingum/ferill/?ltg=151&mnr=329

Skjal að loknu samráði

Ferill máls

Málið var opið til umsagnar í gáttinni á tímabilinu 07.10.2020–21.10.2020. Umsagnir voru birtar jafnóðum og þær bárust. Skoða umsagnir. Unnið var úr þeim ábendingum og athugasemdum sem bárust og niðurstöður samráðsins birtar 26.11.2020.

Málsefni

Áformað er að leggja til breytingu á sóttvarnalögum, nr. 19/1997. Frestur til að skila inn umsögnum er til og með 21. október nk.

Áform um lagasetningu sem hér eru til kynningar og samráðs eru samin af starfshópi heilbrigðisráðherra sem falið er að skrifa drög að frumvarpi til laga um breytingu á sóttvarnalögum nr. 19/1997. Frestur til að skila inn umsögnum er til og með 21. október nk.

Á þingmálaskrá heilbrigðisráðherra fyrir 151. löggjafarþing er áætlað að leggja fram frumvarp til laga um breytingu á sóttvarnalögum, nr. 19/1997. Ráðherra áætlar að mæla fyrir frumvarpinu í janúar 2021.

Tilgangur frumvarpsins er endurskoðun á IV. kafla laganna um opinberar sóttvarnaráðstafanir, og eftir atvikum á öðrum ákvæðum laganna, á grundvelli fenginnar reynslu. Lagt verður til að skýra betur þau úrræði sem sóttvarnalæknir og ráðherra geta gripið til vegna hættu á farsóttum til eða frá Íslandi, innan lands og hættu á útbreiðslu smits frá einstaklingum, sem og að tryggja betur réttaröryggi borgaranna, svo sem með rétti til að kæra ákvarðanir til æðra stjórnvalds og fá úr þeim skorið hjá dómstólum. Um þessi atriði og fleiri er fjallað í álitsgerð Páls Hreinssonar, dags. 20. september 2020, um valdheimildir sóttvarnalæknis og heilbrigðisráðherra til opinberra sóttvarnaráðstafana (sjá fylgiskjal með áformum). Gert er ráð fyrir að álitsgerðin verði lögð til grundvallar vinnu starfshópsins.

Frestur til að skila inn umsögnum er til og með 21. október nk.