Tímalína máls

1

Til umsagnar

  • 9.–18.11.2020

2

Í vinnslu

  • 19.11.2020–19.4.2021

3

Samráði lokið

  • 20.4.2021

Skjöl til samráðs

Mál nr. S-240/2020

Birt: 9.11.2020

Fjöldi umsagna: 1

Drög að frumvarpi til laga

Mennta- og barnamálaráðuneytið

Fjölmiðlun

Frumvarp til laga um breytingu á lögum um Ríkisútvarpið, fjölmiðil í almannaþágu nr. 23/2013 (upplýsingaréttur almennings)

Niðurstöður

Frumvarp til laga um breytingu á lögum um Ríkisútvarpið, fjölmiðil í almannaþágu, nr. 23/2013 (upplýsingaréttur almennings) var kynnt í samráðsgátt stjórnvalda frá 9. nóvember til 18. nóvember 2020. Ein umsögn barst frá Ríkisútvarpinu. Ekki var talin ástæða til að bregðast við umsögninni að öðru leyti en fram kemur í 5. kafla greinargerðar með frumvarpinu.

Málsefni

Með drögunum er lagt til að samhljóða ákvæði um upplýsingarétt gildi m.a. um störf og starfsmenn RÚV eins og gilda um opinbera starfsmenn samkvæmt upplýsingalögum nr. 140/2012.

Nánari upplýsingar

Tilefni lagasetningar er að bregðast við bréfi umboðsmanns Alþingis í máli nr. 10319/2019, vegna kvörtunar til embættisins á úrskurði úrskurðarnefndar um upplýsingamál nr. 856/2019 frá 4. desember 2019, þar sem staðfest var ákvörðun Ríkisútvarpsins ohf., um að synja beiðni kvartanda um aðgang að upplýsingum um umsækjendur í starf útvarpsstjóra hjá félaginu.

Með frumvarpinu er lögð til breyting á 18. gr. laga um Ríkisútvarpið. Lagt er til að ákvæðið feli í sér að um starfsemi Ríkisútvarpsins gildi ákvæði upplýsingalaga um nöfn og starfsheiti umsækjenda um starf, þegar umsóknarfrestur er liðinn, föst launakjör annarra starfsmanna en æðstu stjórnenda, áherslur og kröfur um árangur í starfi æðstu stjórnenda sem fram koma í ráðningarsamningi eða öðrum gögnum og upplýsingar um menntun þeirra, einnig um starfsmenn Ríkisútvarpsins. Upplýsingar um viðurlög í starfi æðstu stjórnenda skulu vera veittar, þar á meðal vegna áminningar og brottvísana, enda séu ekki liðin meira en fjögur ár frá þeirri ákvörðun sem um ræðir.

Breytingin færir lagaumhverfi Ríkisútvarpsins er varðar upplýsingarétt almennings til samræmis við vilja löggjafans. Ekki stóð til að breyta gildissviði upplýsingalaga, með frumvarpi sem lagt var fram á 141. löggjafarþingi, að því er snýr að Ríkisútvarpinu þegar ný lög um Ríkisútvarpið og ný upplýsingalög tóku gildi, heldur áttu ákvæði upplýsingalaga, sbr. 1. mgr. 2. gr. upplýsingalaga, nr. 140/2012, áfram að gilda um starfsemi Ríkisútvarpsins líkt og um stjórnvald væri að ræða. Með frumvarpinu er því þeirri óvissu eytt sem umboðsmaður Alþingis rekur í málslokabréfi sínu í máli nr. 10319/2019.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Mennta- og menningarmálaráðuneyti

mrn@mrn.is