Tímalína máls
Til umsagnar
7.–20.12.2020
Í vinnslu
21.12.2020–18.4.2021
Samráði lokið
19.4.2021
Skjöl til samráðs
Mál nr. S-257/2020
Birt: 7.12.2020
Fjöldi umsagna: 1
Drög að stefnu
Fjármála- og efnahagsráðuneytið
Skatta-, eigna- og fjármálaumsýsla
Stefna um notkun skýjalausna - Drög
Niðurstöður
Ein umsögn barst um drög að stefnu um notkun skýjalausna. Meginefni athugasemdarinnar var landfræðileg staðsetning upplýsinga, þ.e. þær áhættur sem skapast við það að nýta þjónustur sem eru utan Íslands. Tekið er tillit til þess í skjalinu að meta þurfi áhættur og kröfur í hverju tilfelli og taka viðeigandi og rökstuddar ákvarðanir byggðar á kerfisbundnu mati. Fjármálaráðuneytið hefur stefnunar nú til skoðunar eftir samráð áður en hún verður gefin út formlega.
Málsefni
Notkun skýjalausna er mikilvæg forsenda þess að styðja við stafræn umskipti, auka sjálfvirkni og hækka öryggisstig upplýsinga og upplýsingakerfa hins opinbera. Drög þessi lýsa þeirri framtíðarsýn og markmiðum sem opinberir aðilar styðjast við til að þróa og nýta skýjalausnir.
Nánari upplýsingar
Stefna um notkun skýjalausna er fyrsta skjal í heildstæðri umgjörð varðandi notkun opinberra aðila á skýjalausnum og tengist því markmiði stjórnvalda að Ísland verði meðal fremstu þjóða í heimi í veitingu stafrænnar þjónustu.
Tilgangur skýjastefnu hins opinbera er að ná samræmdum markmiðum í notkun skýjalausna og útfærslu þeirra. Skýjalausnir eru nú þegar í notkun hjá mörgum opinberum aðilum og því brýnt að unnið sé að samræmingu þessara verkefna til hagræðingar og aukins öryggis.
Áherslur í stafrænni þjónustu og notendamiðaðri þjónustuhönnun hafa gert auknar kröfur til stofnana um hraða og skilvirka þjónustu. Skýjalausnir sem stytta afhendingartíma innviða og upplýsingatækniþjónusta stuðla að því að stafræn þjónusta sé veitt með hröðum, hagkvæmum og öruggum hætti.
Skýjaþjónusta opnar einnig fyrir nýja notkunarmöguleika, m.a. á sviði gervigreindar og dýpri gagnagreininga, sem annars væri erfitt eða ómögulegt að hagnýta sér.
Með því að birta fyrsta hluta verkefnisins sem drög í samráðsgátt stjórnvalda er það von fjármála- og efnahagsráðuneytisins að hagsmunaaðilar og aðrir geti veitt umsagnir svo mögulegt sé að laga verkefnið og afurðir þess að þörfum hins opinbera. Stefnan mun svo verða kynnt og birt að umsögn og úrvinnslu lokinni. Aðrir hlutar verkefnisins verða birtir í samráðsgátt eða á sérstöku vefsvæði.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (5)
Umsjónaraðili
Einar Gunnar Guðmundsson
einar.gudmundsson@fjr.is