Umhverfis- og auðlindaráðuneytið óskar eftir umsögnum um drög að breytingu á reglugerð um stjórnvaldssektir fyrir brot á efnalögum, sem sett hafa verið til kynningar í samráðsgátt stjórnvalda.

Breytingin er í kjölfar gildistöku laga nr. 57/2019 um breytingu á efnalögum nr. 61/2013 þar sem bættust við heimildir til álagningu stjórnvaldssekta vegna þrenns konar brota á lögunum.

Um er að ræða brot gegn skyldum eldsneytisbirgja um að draga úr losun gróðurhúsalofttegunda, brot gegn ákvæðum laganna um kröfu til að hafa vottun til að annast verkefni í tengslum við F-gös og gegn ákvæðum um markaðssetningu flúoraðra gróðurhúsalofttegunda og ákvæðum um magn flúoraðra gróðurhúsalofttegunda. Í reglugerðardrögunum er kveðið á um fjárhæð sekta fyrir umrædd brot á ákvæðum efnalaga.

Umsögnum um drögin að reglugerðinni skal skilað í samráðsgátt stjórnvalda og er frestur til þess til 15. desember 2020.