Tvær umsagnir bárust vegna áformanna. Umsagnir bárust frá Strætó bs. og Sambandi íslenskra sveitarfélaga (SÍS). Í kjölfar umsagnanna var haft nánara samráð við umsagnaraðila við vinnslu frumvarpsins í framhaldinu. Drög að frumvarpi til laga um breytingu á lögum um virðisaukaskatt (byggingarstarfsemi, almenningssamgöngur o.fl.) voru kynnt á Samráðsgátt stjórnvalda, sjá mál nr. 93/2021.
Málið var opið til umsagnar í gáttinni á tímabilinu 06.01.2021–20.01.2021.
Umsagnir voru birtar jafnóðum og þær bárust. Skoða umsagnir.
Unnið var úr þeim ábendingum og athugasemdum sem bárust og niðurstöður samráðsins birtar 24.06.2021.
Áformað er að leggja til breytingar á lögum um virðisaukaskatt er varða byggingastarfsemi og almenningssamöngur. Auk þess er lagt til að endurskoðun fari fram á uppgjörstímabilum virðisaukaskatts o.fl.
- Í ljósi þeirra breytinga og þeirrar þróunar sem átt hefur sér stað í byggingastarfsemi, m.a. í ljósi aukinnar tækni- og sjálfvirknivæðingar sem og breyttra byggingaraðferða, er nú talið nauðsynlegt að endurskoðun eigi sér stað á ákvæðum laga og reglna um virðisaukaskatt er varðar byggingarstarfsemi.
- Þá er talin nauðsyn á að skýra betur skattskyldu verktaka í almenningssamgöngum með það að markmiði að draga úr flækjustigi í skattframkvæmd og stuðla að réttari skattskilum.
- Einnig er talin nauðsyn á að endurskoðun fari fram á uppgjörstímabilum virðisaukaskatts, þá sérstaklega svokölluðum bændaskilum o.fl.