Til umsagnar
6.–20.1.2021
Í vinnslu
21.1.2021–
Samráði lokið
Mál nr. S-2/2021
Birt: 6.1.2021
Fjöldi umsagna: 5
Drög að reglugerð
Innviðaráðuneytið
Samgöngu- og fjarskiptamál
Samgöngu- og sveitarstjórnarráðuneytið birtir til umsagnar drög að reglugerð um takmarkanir og bann veghaldara við umferð vélknúinna ökutækja um stundarsakir vegna loftmengunar.
Samkvæmt 85. gr. umferðarlaga nr. 77/2019 er sveitarstjórn eða Vegagerðinni, þegar um þjóðveg er að ræða, heimilt að takmarka eða banna umferð um stundarsakir á vegi eða svæði þegar mengun er yfir heilsufarsmörkum eða hætta er talin á að svo verði. Til grundvallar slíku banni skal liggja fyrir rökstuðningur fyrir takmörkun umferðar vegna mengunar, studdur mæliniðurstöðum og mengunarspám. Slíkar takmarkanir vegna mengunar frá ökutækjum geta t.d. falist í breytingum á hámarkshraða, takmörkun á umferð stærri ökutækja eða takmörkun almennrar umferðar með því að heimila tilteknum bifreiðum akstur á ákveðnum svæðum eftir oddatölu/jafnri endatölu eða sambærilegum endabókstaf skráningarmerkja. Ráðherra er heimilt að setja nánari ákvæði um úrræði og við hvaða kringumstæður grípa megi til umræddra takmarkana.
Samgöngu- og sveitarstjórnarráðuneytið óskar hér með eftir umsögnum um drög að nýrri reglugerð um takmarkanir og bann veghaldara við umferð vélknúinna ökutækja um stundarsakir vegna loftmengunar.
Umsagnir voru birtar jafnóðum og þær bárust. Skoða umsagnir.
Skrifstofa samgangna
srn@srn.is