Fyrir liggur að launataxtar kjarasamninga og breytingar á virðisaukaskatti orsaka tilfærslur í mælingum vísitölunnar sem valdið hafa notendum vanda. Þörf er á umbótum við mælingu vísitölunnar og með því að lög nr. 163/2007 gildi í því efni yrði Hagstofu Íslands gert kleift að líta til alþjóðlegrar þróunar í aðferðafræði. Jafnframt yrði lagaumhverfi hagskýrslugerðar hérlendis fært til samræmis við fyrirkomulag á öðrum Norðurlöndum.