Lög um Menntamálastofnun tóku gildi í júlí 2015. Í 8. gr. laganna er kveðið á um að ráðherra setji reglugerð þar sem kveðið er nánar á um framkvæmd þeirra.

Verkefnishópur í ráðuneytinu hefur unnið drög að reglugerð um nánari útfærslu á lögunum um Menntamálastofnun frá 2015.

Í reglugerðinni er m.a. fjallað nánar um hlutverk og verkefni stofnunarinnar, hlutverk ráðgjafarnefndar, samráð og tengsl stofnunar og hagsmunaaðila, fyrirkomulag samskipta ráðuneytis og stofnunar og hlutverk stofnunar gagnvart ráðuneyti. Reglugerðin er unnin í samráði við Menntamálastofnun.