Tímalína máls
Til umsagnar
29.1.–12.2.2021
Í vinnslu
13.–24.2.2021
Samráði lokið
25.2.2021
Skjöl til samráðs
Fylgiskjöl
Mál nr. S-25/2021
Birt: 29.1.2021
Fjöldi umsagna: 0
Áform um lagasetningu
Fjármála- og efnahagsráðuneytið
Skatta-, eigna- og fjármálaumsýsla
Áform um frumvarp til laga um opinberar framkvæmdir og fasteignaumsýslu ríkisins
Niðurstöður
Engar athugasemdir bárust.
Málsefni
Samkvæmt þingmálaskrá er stefnt að því að leggja fram frumvarp til laga um opinberar framkvæmdir og fasteignumsýslu ríkisins sem felur m.a. í sér heildarendurskoðun á núgildandi lögum um skipan opinberra framkvæmda.
Nánari upplýsingar
Í fjármálaáætlun 2021-2025 kemur m.a. fram á málefnasviði 5.2, sem eignaumsýsla ríkisins heyrir undir, að áhersla sé lögð á markvissari nýtingu eigna og aukna fjárfestingu í samfélagslegum innviðum. Stefna og markmið hins opinbera á þessu sviði er að stuðla að betra verklagi og auka skilvirkni, hagkvæmni og gæði við framkvæmdir og umsýslu eigna hins opinbera. Mikilvægt er að tryggja faglega málsmeðferð við verklegar framkvæmdir og umsýslu eigna. Þörf er á að skerpa á lagaumhverfi þessara verkefna þannig að hlutverkaskipting milli aðila sé skýr og að unnið sé eftir skýrum ferlum einkum þegar kemur að ábyrgð, skýrslugerð og uppgjöri við lok framkvæmda og verkefna tengdum umsýslu fasteigna þannig að miðlægar upplýsingar liggi fyrir um hvernig fjármunum ríkisins sé varið.
Einnig er þörf á að styrkja framkvæmd núgildandi laga um skipan opinberra framkvæmda og gera tiltekin ákvæði markvissari til að þau stuðli enn betur að hagkvæmni og aukinni gæðatryggingu í opinberum framkvæmdum. Auk þess skortir skýrari ramma utan um önnur verkefni sem tengjast fasteignaumsýslu ríkisins.
Samráði lokið
Umsagnir voru birtar að loknum umsagnarfresti. Skoða umsagnir.
Umsjónaraðili
Skrifstofa stjórnunar og umbóta
postur@fjr.is