Tímalína máls
Til umsagnar
29.1.–8.2.2021
Í vinnslu
9.2.–22.11.2021
Samráði lokið
23.11.2021
Skjöl til samráðs
Mál nr. S-29/2021
Birt: 29.1.2021
Fjöldi umsagna: 4
Drög að frumvarpi til laga
Dómsmálaráðuneytið
Almanna- og réttaröryggi
Almannavarnir
Niðurstöður
Frumvarpið var lagt fram á Alþingi 18. mars 2021 og fór til allsherjar- og menntamálanefndar en var ekki afgreitt.
Málsefni
Núgildandi lög um almannavarnir tóku gildi í júní 2008 og hafa tekið litlum efnislegum breytingum síðan þá. Talsvert hefur reynt á gildandi lög og það fyrirkomulag sem kveðið er á um í lögunum þegar almannavarnarástand skapast og almannavarnarstigi er lýst yfir af ríkislögreglustjóra. Með frumvarpi þessu er leitast við að efla almannavarnir og skýra lagagrunn málaflokksins.
Nánari upplýsingar
Í frumvarpinu er skerpt á hugtökum á sviði almannavarna til að skilgreina betur hvenær valdheimildir almannavarnayfirvalda eru virkjaðar og jafnframt gerðar hugtakabreytingar til að skerpa skilin á milli hlutverks almannavarnayfirvalda og þjóðaröryggisráðs. Kveðið er á um mismunandi almannavarnastig en þau virkja ákveðnar valdheimildir og þykir því rétt að ákvæði séu um þau í lögum en ekki eingöngu í reglugerð. Einnig er mælt fyrir um nýtt fyrirkomulag rýni aðgerða vegna almannavarnaástands og að rannsóknarnefnd almannavarna verði lögð niður. Þá er lagt til að bráðabirgðaákvæði II um borgaralega skyldu opinberra starfsmanna á hættustund verði varanleg heimild og gerðar breytingar til að skerpa á hlutverki lögreglustjóra við gerð viðbragðsáætlana og könnun áfallaþols. Einnig er sett inn heimildarákvæði fyrir ráðherra til að setja reglur um móttöku erlendra björgunarsveita og kveðið á um að ríkislögreglustjóri geti að fengnu samþykki ráðherra kallað eftir aðstoð erlends hjálparliðs þegar almannavarnaástand ríkir.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa almanna- og réttaröryggis
postur@dmr.is