Tímalína máls

1

Til umsagnar

  • 10.–25.2.2021

2

Í vinnslu

  • 26.2.–10.10.2021

3

Samráði lokið

  • 11.10.2021

Skjöl til samráðs

Mál nr. S-41/2021

Birt: 10.2.2021

Fjöldi umsagna: 3

Drög að reglugerð

Mennta- og barnamálaráðuneytið

Menning, listir, íþrótta- og æskulýðsmál

Drög að breyttum reglum um þóknun til höfunda vegna opinbers flutnings tónverka og bókmenntaverka við kirkjulegar athafnir, sbr. 4. tölul. 21. gr. höfundalaga

Niðurstöður

Sjá meðfylgjani niðurstöðuskjal

Málsefni

Mennta- og menningarmálaráðherra kynnir til umsagnar drög að breyttum reglum um þóknun til höfunda vegna opinbers flutnings tónverka og bókmenntaverka við kirkjulegar athafnir, sbr. 4. tölul. 21. gr. höfundalaga.

Nánari upplýsingar

Mennta- og menningarmálaráðherra áformar breytingar á reglum um þóknun til höfunda vegna opinbers flutnings tónverka og bókmenntaverka við kirkjulegar athafnir, sbr. 4. tölul. 21. gr. höfundalaga nr. 73/1972. Samkvæmt ákvæðinu er opinber flutningur verka heimill við guðsþjónustu og aðrar kirkjulegar athafnir. En höfundar (texta og tóna) eiga rétt á þóknun skv. reglum sem ráðherra setur. Núgildandi reglur eru nr. 232/1974. Ákvæði 4. tölul. 1. mgr. 21. gr. höfundalaga á að tryggja að trúfélög megi flytja þá tónlist og texta sem þau telja sig þurfa vegna athafna og samkoma án þess að spyrja um leyfi í hvert sinn en jafnframt að tryggja að höfundar fái endurgjald fyrir þann flutning.

STEF f.h. höfunda hefur séð um innheimtu og dreifingu þóknana skv. þessu ákvæði til höfunda, bæði texta- og tónhöfunda. STEF og Biskupstofa f.h. Þjóðkirkjunnar, sem stærsti notandi þessarar heimildar, hafa haft forgöngu um að unnið verði að því að einfalda þóknanaferlið, m.a. til að tryggja að öll trúfélög greiði slíka þóknanir til höfunda og lögðu til að reglunum yrði breytt.

Samkvæmt núgildandi reglum nr. 232/1974 er greint á milli flutnings við guðsþjónustu, sbr. 2. gr., og jarðarfara, sbr. 3. gr. Fyrir flutning við guðþjónustur er greitt með föstu árlegu ríkisframlagi til STEFS, nú kr. 900.000. Sú greiðsla á, skv. ákvæði 2. gr. reglnanna, að vera 3% af áætluðum heildarlaunum flytjanda. Þessi greiðsla er að mati STEFS, langt fyrir neðan þau mörk. Fyrir flutning við jarðarfarir á að innheimta gjald sem á að vera 5% af launum flytjenda, sbr. 3. gr. reglnanna. Innheimta þessara gjalda má vera í höndum organista og útfararstjóra gegn þóknum sem ákveðin skal af menntamálaráðherra. Útfararstofur innheimta þetta gjald í dag.

Í reglum nr. 232/1974 er líka kveðið á um sjóð til styrktar tónskáldum og textahöfundum kirkjulegra verka, sbr. 4. gr. Í sjóðinn skal renna 20% af þeim gjöldum sem innheimt eru vegna flutnings við guðsþjónustur og jarðarfarir, sbr. 2. og 3. gr. reglnanna. Um sjóðinn (Tónmenntasjóður kirkjunnar) gilda reglur nr. 235/1974 „Skipulagsskrá fyrir Tónmenntasjóð kirkjunnar“.

Nú er lagt til að reglum um þóknanir vegna opinbers flutnings tónverka og bókmenntaverka verði breytt á þann veg að í stað 2. og. 3. gr. verði vísað í samninga STEFs og trúfélaga um endurgjald til höfunda vegna flutnings verka við athafnir trúfélaga. Þær breytingar hefðu í för með sér að það væri samkomulag þeirra á milli hvaða greiðslur STEF fengi frá kirkjunni og öðrum trúfélögum sem falla undir 4. tölul. 1. mgr. 21. gr. höfundalaga. Þar með félli niður hin árlega greiðsla frá ríkinu.

Á grundvelli ofangreinds er lagt til að reglur nr. 232/1974 verði afnumdar og þess í stað settar nýjar sem byggi á að STEF semji við trúfélög um greiðslur vegna tónlistar og texta sem flutt er við athafnir þeirra á grundvelli 4. tölul. 1. mgr. 21. gr. höfundalaga.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Mennta- og menningarmálaráðuneytið

mrn@mrn.is