Frumvarpsdrögin eru samin í fjármála- og efnahagsráðuneytinu. Í þeim eru lagðar til breytingar á ákvæðum laga um fasteignalán til neytenda sem fjalla um heimildir Seðlabanka Íslands til að setja reglur um beitingu þjóðhagsvarúðartækja.

Í frumvarpinu eru lagðar til breytingar á tveimur ákvæðum laganna, þ.e. 25. gr. sem fjallar um heimild til að setja reglur um hámark veðsetningarhlutfalls fasteignalána og 27. gr. sem fjallar um heimild til að setja reglur sem takmarka heildarfjárhæð fasteignaláns eða greiðslubyrði þess í hlutfalli við tekjur neytanda.