Tímalína máls
Til umsagnar
18.2.–4.3.2021
Í vinnslu
5.–10.3.2021
Samráði lokið
11.3.2021
Skjöl til samráðs
Mál nr. S-46/2021
Birt: 18.2.2021
Fjöldi umsagna: 1
Drög að frumvarpi til laga
Forsætisráðuneytið
Hagskýrslugerð og grunnskrár
Brottfall laga um vísitölu byggingarkostnaðar
Niðurstöður
Niðurstaða samráðs er sú að ekkert sé því til fyrirstöðu að fella niður sérlögin enda mun Hagstofa Íslands áfram reikna og birta vísitölu byggingarkostnaðar. Sjá nánar niðurstöður samráðs um áform um lagasetningu (mál nr. 17/2021 í samráðsgátt).
Málsefni
Í frumvarpinu felst að sérlög um vísitölu byggingarkostnaðar eru felld úr gildi enda eru lög um Hagstofu Íslands og opinbera hagskýrslugerð, nr. 163/2007, nægjanleg.
Nánari upplýsingar
Meginmarkmið með brottfalli laganna er að Hagstofu Íslands verði gert kleift að uppfæra aðferðir við mælingu og útreikning vísitölunnar í samræmi við alþjóðlega þróun aðferðafræðinnar. Hagstofa Íslands getur þá breytt aðferð hvað varðar virðisaukaskatt við mælingu vísitölunnar svo að hún verði í samræmi við framkvæmd annars staðar á Norðurlöndum en þar er grundvöllurinn á verðlagi byggingarkostnaðar mældur án virðisaukaskatts. Einnig verður hægt að gera endurbætur á mælingu launaliðar, með nýrri gagnalind, í byggingarvísitölu og þannig auka tengingu mælingarinnar við launaþróun í byggingariðnaði. Með því yrði komið til móts við notendur vísitölunnar sem kalla eftir meiri næmni við verðmælingu aðfanga í stað þess að vísitalan bregðist óreglulega við kjarasamningsbreytingum eða breytingum á virðisaukaskatti.
Jafnframt eru lagðar til breytingar á lögum um gatnagerðargjald, nr. 153/2006, sem vísa í þau lög sem lagt er til að felld verði úr gildi, og gjaldstofn gatnagerðargjalds gerður skýrari og formfastari en nú er.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (1)
Umsjónaraðili
Forsætisráðuneytið/Skrifstofa stefnumála
for@for.is