Samráðs gátt – opið samráð stjórnvalda við almenning

Með frumvarpinu er áfram lagt til ráðningarbann gagnvart þeim sem hlotið hafa refsidóm fyrir brot á ákvæðum XXII. kafla almennra hegningarlaga en þau nýmæli er að finna í frumvarpi þessu að meta skuli áhrif annarra brota á áhrif þess sem sækir um starf til að sinna starfi, meðal annars með hliðsjón af eðli starfs og alvarleika brota. Til að framfylgja ráðningarbanninu skal sá sem stendur að ráðningu kalla eftir sakavottorði eða fá heimild til að afla upplýsinga úr sakaskrá einu sinni á ári en oftar ef fram koma upplýsingar sem gefa tilefni til þess. Slík heimild hefur aðeins verið til staðar fram að þessu á þeim tímapunkti þegar til ráðningarsambands er stofnað.

Með frumvarpinu er stefnt að því markmiði að einstaklingar geti ekki brotið af sér eftir að til ráðningarsambands hefur verið stofnað án þess að vinnuveitandi hafi kost á að fá upplýsingar um það. Með breytingunni er talið að ákvæði um bann við að ráða til starfa einstaklinga með tiltekinn brotaferil á bakinu nái betur tilgangi sínum en áður.