Fjármála- og efnahagsráðherra kynnir til umsagnar drög að reglugerð um ráðstöfun árslokastöðu ríkisaðila og verkefna sbr. 30. gr. laga um nr. 123/2015 um opinber fjármál. Í 30. gr. laga um opinber fjármál er fjallað um heimild til flutnings fjárheimilda á milli ára. Í reglugerðardrögunum er fjallað nánar um framkvæmdina á þeim flutningi.

Í megindráttum er formfest sú framkvæmd sem við hefur verið höfð með því að skýra framkvæmdina í reglugerð. Meginreglan varðandi rekstrarliði er sú að heimilt er að halda afgangi sem nemur allt að 4% af gjaldafjárveitingu ársins en þó skal uppsöfnuð staða í árslok aldrei vera umfram 10% af gjaldaheimild ársins. Meginreglan varðandi framlög til fjárfestingar er áfram sú að fjárfestingarheimild færist á milli ára og þá færast tilfærsluliður og aðrir reiknaðir liðir ekki á milli ára. Reglugerðin felur í sér þær breytingar að fái ríkisaðili sérstaka fjárveitingu úr almennum varasjóð, aðra en launa- eða verðlagsbætur, skal fella niður óráðstafaða og óskuldbundna fjárveitingu í árslok auk óráðstafaðrar stöðu varasjóðs hlutaðeigandi málaflokks.