Til umsagnar
26.2.–8.3.2021
Í vinnslu
9.3.–23.11.2021
Samráði lokið
24.11.2021
Mál nr. S-62/2021
Birt: 26.2.2021
Fjöldi umsagna: 14
Drög að frumvarpi til laga
Matvælaráðuneytið
Sjávarútvegur og fiskeldi
Bárust 14 umsagnir um frumvarpið á umsagnartíma, frá átta einstaklingum, Landhelgisgæslu Íslands, Landssambandi smábátaeigenda, Samkeppniseftirlitinu, Samtökum fyrirtækja í sjávarútvegi, Smábátafélaginu Hrollaugi og Útgerðarfélagi Reykjavíkur hf. Þá bárust einnig umsagnir frá Fiskistofu og Hafnasambandi Íslands. Tilefni þótti til að breyta frumvarpinu í ljósi framkominna athugasemda eins og rakið er nánar í niðurstöðuskjali.
Með frumvarpinu eru lagðar til breytingar á ýmsum lögum á sviði fiskveiðistjórnar sem miða að því að styrkja eftirlit Fiskstofu.
Lagt er til að heildstæðu viðurlagakerfi verði komið á fót vegna brota á lögum á sviði fiskveiðistjórnar. Viðurlagakaflar laganna verða samræmdir þannig að sömu heimildir verði milli mismunandi laga til að bregðast við brotum. Einnig er lagt til að Fiskistofa fái heimildir til álagningar stjórnvaldssekta vegna brota á fiskveiðilöggjöfinni.
Þá er lagt til að heimildir Fiskistofu til að framkvæma rafrænt eftirlit verði styrktar.
Loks er lagt til að hugtakið raunveruleg yfirráð við framkvæmd reglna um hámarksaflahlutdeildir skv. lögum nr. 116/2006, um stjórn fiskveiða, verði afmarkað betur.
Umsagnir voru birtar jafnóðum og þær bárust. Skoða umsagnir.
ANR Skrifstofa sjávarútvegsmála
postur@anr.is