Tímalína máls

1

Til umsagnar

  • 1.–15.3.2021

2

Í vinnslu

  • 16.–18.3.2021

3

Samráði lokið

  • 19.3.2021

Skjöl til samráðs

Mál nr. S-64/2021

Birt: 1.3.2021

Fjöldi umsagna: 13

Drög að stefnu

Forsætisráðuneytið

Æðsta stjórnsýsla

Stefna um gervigreind

Niðurstöður

Nefnd um ritun stefnu Íslands um gervigreind þakkar umsagnaraðilum kærlega fyrir mikilvæg innlegg og þátttöku. Umsagnir verða teknar til umfjöllunar af nefndinni og verður stuðst við þær við áframhaldandi útfærslu stefnu Íslands um gervigreind

Málsefni

Nú er í vinnslu stefna Íslands um gervigreind. Lýðræðislegar reglur verða að ráða því hvernig gervigreind er notuð og tryggja verður öllum jafnan rétt til að móta þjóðfélag framtíðarinnar. Með það að leiðarljósi eru hér settar fram til samráðs þær grundvallarspurningar sem stefna Íslands um gervigreind mun fást við og jafnframt fyrstu hugmyndar um upplegg og áherslu stefnunnar.

Nánari upplýsingar

Lýðræðislegar reglur verða að ráða því hvernig gervigreind er notuð og tryggja verður öllum jafnan rétt til að móta þjóðfélag framtíðarinnar. Með það að leiðarljósi vill nefnd um ritun stefnu Íslands um gervigreind beina eftirfarandi spurningum til umsagnaraðila til íhugunar:

1. Hvaða gildi á íslenskt samfélag að hafa að leiðarljósi við innleiðingu nýrrar tækni gervigreindar?

2. Hvert á hlutverk tækni gervigreindar að vera í íslensku samfélagi?

3. Á hvaða vettvangi ætti Ísland að ræða og leysa álitamál sem upp munu koma varðandi innleiðingu og notkun nýrrar gervigreindartækni?

4. Hvað þarf til svo að íslenskt atvinnulíf geti að fullu nýtt tækni gervigreindar?

Að auki eru hér birtar fyrstu hugmyndar nefndarinnar um upplegg stefnunnar. Áhersla er lögð á að hér er um vinnuskjal á fyrstu stigum að ræða sem með öllu er opið fyrir hugmyndum og breytingum.

Megin áhersla þessarar stefnu er samfélagslega hliðin á tækni gervigreindar. Auk þess er leitast við að draga fram þær stoðir sem helst þarf að styrkja svo unnt verði að hámarka þann samfélagslega og efnahagslegan ábata sem af þróun, innleiðingu og notkun gervigreindar hlýst. Allt er þetta sett fram í samhengi við þá stefnumótunarvinnu sem þegar hefur farið fram um ýmis málefni tengd gervigreind og ber þar helst að nefna skýrslu og aðgerðaáætlun um Ísland og fjórðu iðnbyltinguna, Nýsköpunarlandið Ísland, áherslur og verkefni Stafræns Íslands og stefnu Vísinda- og tækniráðs.

Óskað er eftir viðbrögðum, hugmyndum og almennri endurgjöf á drög nefndarinnar að uppleggi stefnu Íslands um gervigreind.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Forsætisráðuneytið

lilja.dogg.jonsdottir@for.is