Tímalína máls
Til umsagnar
5.–19.3.2021
Í vinnslu
20.3.–13.6.2021
Samráði lokið
14.6.2021
Skjöl til samráðs
Fylgiskjöl
Mál nr. S-72/2021
Birt: 5.3.2021
Fjöldi umsagna: 2
Drög að reglugerð
Umhverfis-, orku- og loftslagsráðuneytið
Umhverfismál
REGLUGERÐ um meðferð plöntuverndarvara og útrýmingarefna.
Niðurstöður
Niðurstaða málsins er sú að reglugerð nr. 677/2021 var gefin út 25. maí 2021. Innkomnar umsagnir gáfu ekki tilefni til að breyta þeim drögum sem kynnt voru í samráðsgátt.
Málsefni
Drög að reglugerð um meðferð plöntuverndarvara og útrýmingarefna. Um er að ræða endurskoðun á reglugerð frá 2015 um meðferð varnarefna.
Nánari upplýsingar
Drög að reglugerð um meðferð plöntuverndarvara og útrýmingarefna. Reglugerðin tekur við af reglugerð nr. 980/2015 um meðferð varnarefna, sem innleiðir tilskipun Evrópuþingsins og ráðsins um aðgerðarramma Bandalagsins til að ná fram sjálfbærri notkun varnarefna.
Um er að ræða samræmi við breytingar á efnalögum, nr. 61/2013, sem felur í sér breytta hugtakanotkun og aukinn skýrleika einstakra ákvæða, auk þess sem breytinga er þörf í kjölfar reynslu af framkvæmd eldri reglugerðar.
Meðal breytinga á efnalögum má nefna að hugtakið varnarefni var áður skilgreint í efnalögum sem samheiti fyrir plöntuverndarvörur og sæfivörur. Fallið hefur verið frá þessari nálgun og þess í stað er notast við hugtökin plöntuverndarvörur, sæfivörur eða útrýmingarefni hennar. Sæfivörur er samheiti yfir vörur sem notaðar eru í því skyni að vernda fólk, dýr, vatn, yfirborð, efni og vörur fyrir skaðvöldum, t.d. meindýrum, bakteríum, sveppum eða öðrum óæskilegum lífverum. Einnig er gert ráð fyrir þeirri breytingu í reglugerðinni að gildistími notendaleyfa verði átta ár, með heimild til framlengingar í allt að tvö ár, hafi umsækjandi ekki komist á námskeið vegna endurnýjunar á leyfinu.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa umhverfis- og skipulags
postur@uar.is