Tímalína máls
Til umsagnar
10.–24.3.2021
Í vinnslu
25.3.2021–
Samráði lokið
Skjöl til samráðs
Mál nr. S-74/2021
Birt: 10.3.2021
Fjöldi umsagna: 17
Drög að reglugerð
Matvælaráðuneytið
Landbúnaður
Drög að reglugerð um (3.) breytingu á reglugerð nr. 1294/2014, um miðlun upplýsinga um matvæli til neytenda
Málsefni
Lögð er til breyting á reglugerð um miðlun upplýsinga um matvæli til neytenda sem lýtur að merkingu matvæla sem eru forpökkuð þannig að heimilt verði að veita lögbundnar matvælaupplýsingar með tæknilausnum.
Nánari upplýsingar
Hingað til hefur verið heimilt að setja lögboðnar upplýsingar á forpökkuð matvæli með tvennum hætti, þ.e. annars vegar beint á umbúðunum eða hins vegar á merkimiða sem er festur á umbúðirnar. Með vísan til þess hefur við innflutning matvæla frá ríkjum utan EES þurft að endurmerkja matvæli með tilheyrandi kostnaði fyrir neytendur og innflytjendur auk þess sem slíkt hefur skapað viðskiptahindrun við nánustu viðskiptalönd Íslands utan EES og minnkað svigrúm EFTA-EES ríkjanna til að gera viðskiptasamninga við ríki utan EES. Með breytingunni er lagt til að heimilt verði að veita lögbundnar matvælaupplýsingar með tæknilausnum, þ.e. með því að vöruupplýsingar forpakkaðra matvæla séu aðgengilegar með strikamerki eða QR kóða sem unnt er að lesa af með smáforriti. Gerð er sú krafa að við sölu matvæla sem merkt eru með þeim hætti verði skylt að tryggja að fyrir hendi sé nauðsynlegur tækjabúnaður sem neytendur hafa aðgengi að á hverjum sölustað í því skyni að nálgast lögboðnar upplýsingar matvæla. Með hugbúnaðarnýsköpun og örri tækniþróun hefur tekist að búa til lausn sem tryggir sömu neytendavernd m.t.t. merkinga matvæla án þess að endurmerking sé nauðsynlegt.
Í vinnslu
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa matvæla
mar@mar.is