Tímalína máls
Til umsagnar
10.–25.3.2021
Í vinnslu
26.3.–29.11.2021
Samráði lokið
30.11.2021
Skjöl til samráðs
Mál nr. S-75/2021
Birt: 10.3.2021
Fjöldi umsagna: 1
Drög að reglugerð
Matvælaráðuneytið
Landbúnaður
Reglugerð um umsókn um samþykki ráðherra fyrir ráðstöfun fasteignar á grundvelli 10. gr. a jarðalaga.
Niðurstöður
Reglugerðardrög verða tekin til endurskoðunar.
Málsefni
Skylt er að afla samþykkis ráðherra fyrir ráðstöfun fasteignar að tilgreindum skilyrðum uppfylltum sbr. 10. gr. a jarðalaga nr. 81/2004. Með reglugerðinni verður málsmeðferð slíkra mála skýrð.
Nánari upplýsingar
Samkvæmt breytingum á jarðalögum nr. 81/2004 sem tóku gildi um mitt ár 2020 er aðilum nú skylt að afla samþykkis ráðherra fyrir ráðstöfun fasteignar ef fasteign er lögbýli og viðtakandi réttar og tengdir aðilar eiga fyrir fimm eða fleiri fasteignir sem eru skráðar í lögbýlaskrá enda nemi samanlögð stærð þeirra 50 hekturum eða meira, eða viðtakandi réttar og tengdir aðilar eiga fyrir fasteign eða fasteignir sem eru samanlagt 1.500 hektarar eða meira að stærð. Í umræddri 10. gr. a jarðalaga er tilgreint hvað þarf að koma fram í umsókn aðila og til hvaða sjónarmiða ráðherra skal líta vegna ákvörðunar um það hvort veita eigi samþykki samkvæmt greininni eða synja því.
Samkvæmt 14. mgr. 10. gr. a er ráðherra heimilt að setja í reglugerð nánari fyrirmæli um form, efni og fylgigögn með umsóknum um samþykki samkvæmt ákvæðinu og um framkvæmd ákvæðisins að öðru leyti. Reglugerðardrögin eru samin á grundvelli framangreinds.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa landbúnaðarmála
postur@anr.is