Tímalína máls
Til umsagnar
18.3.–29.4.2021
Í vinnslu
30.4.–31.8.2021
Samráði lokið
1.9.2021
Mál nr. S-81/2021
Birt: 18.3.2021
Fjöldi umsagna: 1
Annað
Utanríkisráðuneytið
Sveitarfélög og byggðamál
Tillaga að deiliskipulagi fyrir Bolafjall
Niðurstöður
Ein umsögn barst. Brugðist var við umsögn með uppfærslu á teikningu í deiliskipulagi.
Málsefni
Utanríkisráðuneytið og Bolungarvíkurkaupstaður auglýsa tillögu að deiliskipulagi Bolafjalls í samræmi við 41. gr. skipulagslaga nr. 123/2010. Umsagnarfrestur til 29. apríl 2021.
Nánari upplýsingar
Utanríkisráðuneytið og Bolungarvíkurkaupstaður auglýsa sameiginlega tillögu að deiliskipulagi Bolafjalls í samræmi við 41. gr. skipulagslaga nr. 123/2010.
Svæðið sem deiliskipulagstillagan tekur til er um 38 hektarar að flatarmáli og að stærstum hluta skilgreint sem óbyggt svæði. Um 11,5 hektara svæði er skilgreint með blandaða landnotkun, þjónustustofnanir og verslunar- og þjónustusvæði. Þar er m.a. gefið svigrúm til upp uppbyggingar útsýnispalla við fjallsbrún, bílastæða og þjónustuhúss. Innan svæðisins er lóð ratsjár- og fjarskiptastöðvar Atlantshafsbandalagsins sem rekin er af Landhelgisgæslu Íslands og skilgreind er sem öryggissvæði. Öryggissvæðið er um 8 hektarar. Utanríkis- og þróunarsamvinnuráðherra fer með yfirstjórn skipulagsmála á öryggissvæðinu sbr. 2. mgr. 3. gr. skipulagslaga.
Í deiliskipulagstillögunni er tilgangi og markmiði hennar lýst auk þess sem ítarlega er fjallað um staðhætti og náttúrufar innan svæðisins sem og eignarhald á landi. Jafnframt er fjallað um tengsl deiliskipulagstillögunnar við aðrar áætlanir, n.t.t. aðalskipulag Bolungarvíkur, ferðamálaáætlun 2011-2020 og áfangastaðaáætlun Vestfjarða. Þá er vikið að viðeigandi lagaumhverfi vegna öryggissvæðisins. Þá er skipulagsskipmálum lýst auk þess sem fjallað er um umhverfisáhrif skipulagsins.
Tillagan er aðgengileg á Samráðsgátt stjórnvalda og á vefsíðu Bolungarvíkurkaupstaðar. Umsagnarfrestur er til 29. apríl 2021.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Öryggis- og varnarmálaskrifstofa
postur@mfa.is