Tímalína máls
Til umsagnar
26.3.–16.4.2021
Í vinnslu
17.4.–9.6.2021
Samráði lokið
10.6.2021
Skjöl til samráðs
Mál nr. S-88/2021
Birt: 26.3.2021
Fjöldi umsagna: 1
Drög að reglugerð
Umhverfis-, orku- og loftslagsráðuneytið
Umhverfismál
Drög að nýrri reglugerð um viðskiptakerfi Evrópusambandsins með losunarheimildir
Niðurstöður
Ein umsögn barst en ekki voru gerðar efnislegar athugasemdir við reglugerðardrögin. Reglugerðin var birt í Stjórnartíðindum þann 28. maí 2021. Nr. 606/2021
Málsefni
Drög að nýrri reglugerð um viðskiptakerfi Evrópusambandsins með losunarheimildir.
Nánari upplýsingar
Með lögum nr. 98/2020 sem breyttu lögum nr. 70/2012 um loftslagsmál, voru tekin inn helstu efnisatriði tilskipunar (ESB) 2018/410 sem fela í sér breytingar á viðskiptakerfi ESB með losunarheimildir á fjórða tímabili viðskiptakerfisins sem varir frá 2021 til 2030. Í frumvarpi til breytinga á loftslagslögum, sem nú er í meðförum Alþingis, er lagt til að framangreind tilskipun verði innleidd en hún var tekin upp í EES-samninginn í júlí 2020.
Reglugerðardrög um viðskiptakerfi ESB taka til rekstraraðila í staðbundinni starfsemi og til flugrekenda sem heyra undir viðskiptakerfi ESB með losunarheimildir. Í þeim er m.a. mælt fyrir um losunarleyfi, úthlutun endurgjaldslausra losunarheimilda, vöktun, skýrslugjöf og vottun vegna losunar, faggildingu, nýsköpunarsjóð, hvaða flugrekendur heyra undir umsjón Íslands og annað er viðkemur viðskiptakerfinu.
Til hægðarauka er lagt til að gefin verði út ný reglugerð þar sem teknar eru inn framangreindar breytingar og þær gerðir sem tengjast þeim breytingum eru innleiddar, auk þeirra EES-gerða sem nú þegar hafa verið innleiddar í íslenskan rétt. Jafnframt eru eldri reglugerðir felldar úr gildi.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (2)
Umsjónaraðili
Skrifstofa loftslagsmála
postur@uar.is