Til umsagnar
23.4.–24.5.2021
Í vinnslu
25.5.–30.8.2021
Samráði lokið
31.8.2021
Mál nr. S-104/2021
Birt: 23.4.2021
Fjöldi umsagna: 2
Annað
Fjármála- og efnahagsráðuneytið
Markaðseftirlit og neytendamál
Tvær umsagnir bárust, frá Arion banka hf. og Íslandsbanka hf. sem lögðust gegn lækkun hámarksins. Milligjaldinu væri ætlað að standa straum af ýmsum kostnaði útgefenda korta, meðal annars vegna kortasvika, sem erfitt yrði ella að standa undir nema með hækkun gjalda á korthafa. Niðurstaða ráðherra var að leggja ekki til breytingu á hámarkinu. Ekki var talið að forsendur fyrir hámarkinu hefðu breyst frá setningu laganna þannig að tilefni hefði skapast til að leggja til breytingu á því.
Fjármála- og efnahagsráðuneytið leitar eftir sjónarmiðum um hvort tilefni sé til að leggja til lægra hámark á milligjöld vegna innlendra debetkortafærslna en 0,2% og þá hvernig hámarkið eigi að vera, þar á meðal eftir atvikum hvort mæla eigi fyrir um hámarksfjárhæð gjalds vegna hverrar færslu.
Með lögum um milligjöld fyrir kortatengdar greiðslur, nr. 31/2019, var reglugerð Evrópuþingsins og ráðsins (ESB) 2015/751 frá 29. apríl 2015 um milligjöld fyrir kortatengdar greiðslur veitt lagagildi hér á landi. Samkvæmt reglugerðinni skulu greiðsluþjónustuveitendur hvorki bjóða né krefjast milligjalds á hverja færslu sem er hærra en 0,2% af virði debetkortafærslu. Aðildarríki mega þó ákveða lægra hámark milligjalda vegna innlendra kortafærslna, bæði með því að setja lægra hámarkshlutfall gjalds og með því að setja hámarksfjárhæð gjalds vegna hverrar færslu. Heimildin hefur ekki verið nýtt hér á landi. Samkvæmt ákvæði til bráðabirgða í lögum um milligjöld fyrir kortatengdar greiðslur skal ráðherra fyrir 1. september 2021 meta hvort tilefni sé til að leggja til lægra hámark á milligjöld vegna innlendra debetkortafærslna en 0,2%.
Umsagnir voru birtar jafnóðum og þær bárust. Skoða umsagnir.
Skrifstofa fjármálamarkaðar
gunnlaugur.helgason@fjr.is