Samráð fyrirhugað 28.04.2021—09.06.2021
Til umsagnar 28.04.2021—09.06.2021
Niðurstöður í vinnslu frá 09.06.2021
Niðurstöður birtar

Tillaga að breytingu á aðalskipulagi Keflavíkurflugvallar og deiliskipulagi öryggissvæðisins á Keflavíkurflugvelli

Mál nr. 105/2021 Birt: 28.04.2021 Síðast uppfært: 28.04.2021
  • Utanríkisráðuneytið
  • Annað
  • Málefnasvið:
  • Utanríkismál
  • Umhverfismál

Niðurstöður í vinnslu

Umsagnarfrestur er liðinn (28.04.2021–09.06.2021). Umsagnir voru birtar jafnóðum og þær bárust. Skoða umsagnir. Niðurstöður samráðsins verða birtar þegar unnið hefur verið úr þeim ábendingum og athugasemdum sem bárust.

Málsefni

Tillaga að breytingu á aðalskipulagi Keflavíkurflugvallar 2013-2030 og deiliskipulagi öryggissvæðisins á Keflavíkurflugvelli.

Tillaga að breytingu á aðalskipulagi Keflavíkurflugvallar 2013-2030:

Utanríkisráðuneytið og Skipulagsnefnd Keflavíkurflugvallar hafa samþykkti að kynna tillögu að breyttu aðalskipulagi Keflavíkurflugvallar í samræmi við 1. mgr. 36. gr skipulagslaga nr. 123/2010. Breyting felur í sér auknar byggingarheimildir á öryggissvæði Keflavíkurflugvallar. Tillagan er einnig kynnt á heimasíðu Isavia.

Tillaga að breytingu á deiliskipulagi öryggissvæðisins á Keflavíkurflugvelli:

Utanríkisráðuneytið hefur falið Landhelgisgæslu Íslands að vinna breytingu á deiliskipulagi fyrir öryggissvæðið á Keflavíkurflugvelli. Landhelgisgæsla Íslands auglýsir hér með í samræmi við 1. mgr. 41. gr. sbr. 1. mgr. 43. gr. skipulagslaga nr. 123/2010 tillögu að breytingu á deiliskipulagi öryggissvæðisins á Keflavíkurflugvelli.

Deiliskipulagssvæðið er um 760 ha að stærð og afmarkast samkvæmt auglýsingu nr. 720/2015 um landfræðileg mörk öryggis- og varnarsvæða. Helstu breytingar eru m.a. viðbótar byggingarheimildir, breytingar og stækkun á byggingarreitum og nýir byggingarreitir. Þá eru afmörkuð svæði fyrir efnisvinnslusvæði, skotvöll og birgðageymslusvæði, breytingar gerðar á byggingarreitum í því samhengi og byggingarheimild hækkuð.

Nánari upplýsingar veitir skipulagsfulltrúi Keflavíkurflugvallar og öryggissvæða sveinn.valdimarsson@isavia.is

Þeim sem telja sig eiga hagsmuna að gæta gefst kostur á að gera athugasemdir við tillögurnar. Skila má skriflegum athugasemdum í gegnum Samráðsgáttina, með bréfi til Landhelgisgæslu Íslands (b.t. Sveinn Valdimarsson, skipulagsfulltrúa, Þjóðbraut 1, 235 Keflavíkurflugvöllur eða með því að senda tölvupóst á netfangið sveinn.valdimarsson@isavia.is. Frestur til að gera athugasemdir er til 9. júní 2021.