Tímalína máls
Til umsagnar
10.5.–21.6.2021
Í vinnslu
22.6.–1.7.2021
Samráði lokið
2.7.2021
Mál nr. S-112/2021
Birt: 10.5.2021
Fjöldi umsagna: 0
Áform um lagasetningu
Fjármála- og efnahagsráðuneytið
Markaðseftirlit og neytendamál
Áform um frumvarp til laga um breytingu á lögum um fjárhagslegar viðmiðanir
Niðurstöður
Engar umsagnir bárust. Drög að frumvarpi voru birt í samráðsgáttinni 19. ágúst 2021 (mál nr. 158/2021).
Málsefni
Fjármála- og efnahagsráðherra áformar að leggja fram frumvarp til að innleiða reglugerð (ESB) 2021/168 um breytingu á reglugerð (ESB) 2016/1011 um fjárhagslegar viðmiðanir.
Nánari upplýsingar
Með lögum um fjárhagslegar viðmiðanir, nr. 7/2021, var reglugerð Evrópusambandsins um fjárhagslegar viðmiðanir veitt lagagildi hér á landi. Reglugerðin hefur að geyma reglur um gerð og notkun viðmiðunarvísitalna á borð við Libor-vexti sem liggja til grundvallar ýmsum samningum á sviði fjármálamarkaðar. Meðal annars er mælt fyrir um starfshætti aðila sem taka saman viðmiðanir, starfsleyfi, aðferðafræði við vinnslu viðmiðana og eftirlit.
Evrópusambandið samþykkti í febrúar 2021 breytingar á reglugerðinni. Helstu breytingar eru annars vegar að undanþiggja viðmiðanir fyrir stundargengi gjaldmiðla sem framkvæmdastjórn Evrópusambandsins tilgreinir gildissviði reglugerðarinnar og hins vegar að heimila framkvæmdastjórninni eða lögbærum yfirvöldum í aðildarríkjum að ákvarða viðmiðanir sem skuli notast við ef hætt er að gera viðmiðanir sem samningar eða aðrir fjárhagslegir gerningar vísa í eða þær verða ónothæfar og aðilar að gerningunum hafa ekki komið sér saman um aðrar viðmiðanir til að styðjast við. Unnið er að upptöku breytinganna í EES-samninginn. Íslandi ber þjóðréttarleg skylda til að innleiða þær í landsrétt þegar þær verða teknar upp í samninginn.
Ráðherra áformar að leggja fram frumvarp um breytingu á lögum um fjárhagslegar viðmiðanir til að veita breytingunum lagagildi hér á landi.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (1)
Umsjónaraðili
Skrifstofa fjármálamarkaðar
gunnlaugur.helgason@fjr.is