Samráð fyrirhugað 12.05.2021—19.05.2021
Til umsagnar 12.05.2021—19.05.2021
Niðurstöður í vinnslu frá 19.05.2021
Niðurstöður birtar 24.11.2021

Breyting á reglugerð fyrir talnagetraunir Íslenskrar getspár

Mál nr. 114/2021 Birt: 12.05.2021 Síðast uppfært: 24.11.2021
  • Dómsmálaráðuneytið
  • Drög að reglugerð
  • Málefnasvið:
  • Réttindi einstaklinga, trúmál og stjórnsýsla dómsmála

Niðurstöður birtar

Reglugerðin var birt í B-deild Stjórnartíðinda 26. maí 2021 og tók gildi 3. júní 2021. Hún er nr. 594/2021.

Skjal að loknu samráði

Ferill máls

Málið var opið til umsagnar í gáttinni á tímabilinu 12.05.2021–19.05.2021. Umsagnir voru birtar jafnóðum og þær bárust. Skoða umsagnir. Unnið var úr þeim ábendingum og athugasemdum sem bárust og niðurstöður samráðsins birtar 24.11.2021.

Málsefni

Lagðar eru til breytingar á ákvæðum reglugerðar um talnagetraunir Íslenskrar getspár nr. 1170/2012 vegna breytinga á leikjaformi talnagetraunarinnar Víkingalottó. Einnig eru lagðar til smærri breytingar auk hækkunar á seldri röð.

Vegna breytinga sem samstarfsþjóðir talnagetraunarinnar Víkingalottó hafa ákveðið að gera á uppbyggingu leiksins eru lagðar til nokkrar breytingar á reglugerð fyrir talnagetraunir Íslenskrar getspár nr. 1170/2012. Er lagt til að framlagi í efstu vinningsflokka verði breytt þannig að 1. vinningur lækki. Þá verði Víkingatölum fækkað úr 8 í 5, en við þá breytingu muni fyrsti vinningur ganga oftar út á hverju ári. Vegna breytinganna og gengisþróunar evru á síðasta ári er auk þess lagt til að verð á seldri röð hækki úr 100 kr. í 110 kr. Aðrar breytingar snúa einkum að heiti leiksins og leiðréttingu á heiti ráðuneytis.