Með þessari breytingu er hnykkt á þeirri skyldu að bændur skuli geta hýst sauðfé og geitur sem þeir halda og sérstaklega tiltekið að það skuli vera í aðgengilegri fjarlægð fyrir vetrarfóðraðar kindur. Einnig er leiðrétt tilvísun varðandi 4. mgr. 14. gr. um gólfgerðir, þannig að hún vísi einungis til þeirrar greinar en ekki 5. mgr. 14. gr. um aðrar innréttingar sem aldrei var ætlunin. Breytingarnar eru nauðsynlegar til að skýra vafaatriði er varða velferð þessara dýra. Reglugerð þessi er sett samkvæmt heimild í lögum nr. 55/2013, um velferð dýra og lögum nr. 25/1993, um dýrasjúkdóma og varnir gegn þeim, ásamt síðari breytingum.