Tímalína máls

1

Til umsagnar

  • 8.–22.6.2021

2

Í vinnslu

  • 23.6.–5.10.2021

3

Samráði lokið

  • 6.10.2021

Skjöl til samráðs

Mál nr. S-127/2021

Birt: 8.6.2021

Fjöldi umsagna: 2

Drög að reglugerð

Umhverfis-, orku- og loftslagsráðuneytið

Umhverfismál

Reglugerð um sameiningu annars vegar heilbrigðiseftirlits Mosfellsbæjar og Seltjarnarnesbæjar við Hafnarfjarðar- og Kópavogssvæði og hins vegar sameiningu heilbrigðiseftirlits Kjósahrepps við Vesturla

Niðurstöður

Umhverfis- og auðlindaráðuneytið gaf út reglugerð nr. 1110/2021 um sameiningu heilbrigðiseftirlits Mosfellsbæjar og Seltjarnarnesbæjar við Hafnarfjarðar- og Kópavogssvæði annars vegar og hins vegar sameiningu heilbrigðiseftirlits Kjósahrepps við Vesturlandssvæði. Reglugerðin varðar Garðabæ, Hafnarfjörð, Kópavog, Seltjarnarnes, Mosfellsbæ, Kjósarhrepp og sveitarfélögin á Vesturlandi. Reglugerðin er sett á grundvelli laga nr. 7/1998 sem kveða á um að landinu skuli skipt upp í eftirlitssvæði. Heilbrigðiseftirlitssvæðin voru tíu og fækkaði í níu við setningu reglugerðarinnar.

Málsefni

Sameining heilbrigðiseftirlits Mosfellsbæjar og Seltjarnarnesbæjar við Hafnarfjarðar- og Kópavogssvæði og heilbrigðiseftirlits Kjósarhrepps við Vesturlandssvæði

Nánari upplýsingar

Drög að reglugerð um sameiningu annars vegar heilbrigðiseftirlits Mosfellsbæjar og Seltjarnarnesbæjar við Hafnarfjarðar- og Kópavogssvæði og hins vegar sameiningu heilbrigðiseftirlits Kjósarhrepps við Vesturlandssvæði.

Mosfellsbær og Seltjarnarnessbæ hafa farið þess á leit við umhverfis- og auðlindaráðunytið að Heilbrigðiseftirlitssvæði Kjósarsvæðis verði lagt niður og að heilbrigðiseftirlit umræddra sveitarfélaga sameinist eftirlitssvæði Hafnarfjarðar- og Kópavogssvæðis. Auk Mosfellsbæjar og Seltjarnarnesbæjar er Kjósarhreppur hluti af Heilbrigðiseftirlitssvæði Kjósarsvæðis.

Ráðherra getur skv. 3. mgr. 45. gr. laga nr. 7/1998, að höfðu samráði við hlutaðeigandi sveitarfélög og að fenginni umsögn Umhverfisstofnunar, kveðið á um sameiningu heilbrigðiseftirlitssvæða í reglugerð.

Í tilefni af framangreindu óskaði ráðuneytið eftir umsögn Heilbrigðisnefndar Kjósarsvæðis og Umhverfisstofnunar um erindin og upplýsti Samband íslenskra sveitarfélaga um málið.

Garðabær, Kópavogsbær og Hafnarfjörður, Mosfellsbær og Seltjarnarnesbær hafa hafið undirbúning að því að Mosfellsbær og Seltjarnarnesbær bætist við heilbrigðiseftirlitssvæði Hafnarfjarðar- og Kópavogs. Jafnframt hafa sveitarfélögin á Vesturlandi og Kjósarhreppur hafið undirbúning um að Kjósarhreppur bætist við heilbrigðiseftirlitssvæði Vesturlands.

Drög að reglugerð um sameiningu eftirlitssvæða á grundvelli laga nr. 7/1998 um hollustuhætti og mengunarvarnir gerir ráð fyrir sameiningu heilbrigðiseftirlits í samræmi við framangreint og grundvallar hún á 2. og 9. töluliðum 2. mgr. 45. gr. laga nr. 7/1998 um hollustuhætti og mengunarvarnir. Gert er ráð fyrir að sameiningu verði lokið fyrir 1. september nk.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Umhverfis- og auðlindaráðuneytið

uar@uar.is