Tímalína máls

1

Til umsagnar

  • 20.8.–3.9.2021

2

Í vinnslu

  • 4.9.2021–16.8.2022

3

Samráði lokið

  • 17.8.2022

Skjöl til samráðs

Mál nr. S-154/2021

Birt: 20.8.2021

Fjöldi umsagna: 4

Drög að reglugerð

Umhverfis-, orku- og loftslagsráðuneytið

Umhverfismál

Drög að reglugerð um umhverfismat framkvæmda og áætlana

Niðurstöður

Reglugerðin hefur tekið gildi. Reglugerð nr. 1381/2021 um umhverfismat framkvæmda og áætlana.

Málsefni

Drögin að reglugerð taka til umhverfismats framkvæmda og áætlana og byggja á nýjum lögum um sama efni. Með reglugerðinni eru útfærð nánar efnisatriði laganna.

Nánari upplýsingar

Með nýjum heildarlögum um umhverfismat framkvæmda og áætlana var sameinuð löggjöf um annars vegar mat á umhverfisáhrifum framkvæmda og hins vegar löggjöf um umhverfismat áætlana. Drögin að reglugerðinni byggja á framangreindum lögum þar sem markmiðið var m.a. að tryggja þátttökuréttindi almennings og að setja fram skýrar og einfaldar málsmeðferðarreglur. Drögin fela m.a. í sér nánari útfærslu á ákvæðum laganna um forsamráð og samþætta málsmeðferð og skyldur ábyrgðaraðila áætlana og framkvæmdaaðila hvað varðar skil á gögnum og innihald þeirra.

Í drögunum er einnig mælt fyrir um stafræna gagna- og samráðsgátt, sem er ætlað að vera vettvangur samráðs um umhverfismat, skipulagsmál og leyfisveitingar. Ákvæðið kemur til framkvæmda 1. desember 2022, en samkvæmt bráðabirgðaákvæði í lögum um umhverfismat framkvæmda og áætlana taka eldri lög til þeirra kynninga og samráðs sem eiga sér stað fram til 1. desember 2022. Ákvæði reglugerðarinnar um samráð og kynningu umhverfismats taka mið af framangreindu bráðabirgðaákvæði og munu því koma til endurskoðunar fyrir 1. desember 2022.

Samráði lokið

Umsagnir voru birtar jafnóðum og þær bárust. Skoða umsagnir.

Tenging við önnur mál (3)

Umsjónaraðili

Magnús Dige Baldursson

magnus.baldursson@uar.is