Með lögum nr. 148/2020 um breytingu á lögum nr. 47/2010, um sanngirnisbætur fyrir misgjörðir á stofnunum eða heimilum sem falla undir lög nr. 26/2007 (lokauppgjör), voru gerðar ýmsar breytingar á framkvæmd laganna sem kalla á breytingar á gildandi reglum nr. 345/2011 um sanngirnisbætur. Helstu breytingar laganna felast í því að ekki verða greiddar bætur til vistmanna heimila og stofnana sem falla undir gildissvið laga nr. 26/2007 og á grundvelli skýrslu Vistheimilanefndar, heldur til þeirra sem voru vistaðir á stofnunum fyrir fötluð börn að öðrum lagaskilyrðum uppfylltum.

Í drögum að nýjum reglum um sanngirnisbætur er fjallað með sambærilegum hætti og gert er í gildandi reglum um viðmið við ákvörðun bótafjáræða, meðferð bótakrafna, aðgengi sýslumanns og úrskurðarnefndar að gögnum um vistmenn, fyrirkomulag greiðslu bóta, viðmiðunarfjárhæðir og önnur atriði sem varða framkvæmd laganna.