Tímalína máls
Til umsagnar
20.9.–15.10.2021
Í vinnslu
16.10.2021–31.1.2022
Samráði lokið
1.2.2022
Skjöl til samráðs
Mál nr. S-179/2021
Birt: 20.9.2021
Fjöldi umsagna: 0
Drög að frumvarpi til laga
Fjármála- og efnahagsráðuneytið
Markaðseftirlit og neytendamál
Drög að frumvarpi til laga um evrópska áhættufjármagnssjóði og evrópska félagslega framtakssjóði
Niðurstöður
Drög að frumvarpi til laga um evrópska áhættufjármagnssjóði og evrópska félagslega framtakssjóði voru birt í samráðsgátt stjórnvalda 20. september 2021. Frestur til að skila umsögnum var til 15. október 2021. Engar umsagnir bárust.
Málsefni
Fjármála- og efnahagsráðherra birtir til umsagnar drög að frumvarpi til innleiðingar á reglugerðum (ESB) 345/2013 um evrópska áhættufjármagnssjóði (EuVECA), 346/2013 um evrópska félagslega framtakssjóði (EuSEF) og 2017/1991 sem breytir þeim fyrrtöldu.
Nánari upplýsingar
Frumvarpið felur í sér ný heildarlög um evrópska áhættufjármagnssjóði og evrópska félagslega framtakssjóði. Frumvarpið felur í sér innleiðingu EuVECA- og EuSEF-reglugerðanna og breytingareglugerðarinnar í íslenskan rétt. Meginefni frumvarpsins er því lögfesting reglugerðanna og nauðsynlegra ákvæða þar að lútandi, svo sem um hvernig eftirlit fari fram, um heimildir eftirlitsaðila til upplýsingaöflunar, viðurlagaákvæði og heimildir ráðherra og Seðlabanka Íslands til reglusetningar.
Með gerðunum er settur rammi um notkun heitisins EuVECA yfir viðurkennda áhættufjármagnssjóði annars vegar og EuSEF yfir viðurkennda félagslega framtakssjóði hins vegar fyrir þá rekstraraðila sem kjósa að markaðssetja slíka sjóði. Í reglugerðunum er kveðið á um þau skilyrði sem uppfylla þarf til þess að unnt sé að markaðssetja sjóði sem þessa á EES. Þau skilyrði varða m.a. samsetningu eignasafns, þ.e. fjárfestingarheimildir sjóðanna, fjárfestingarmarkmið og flokka fjárfesta sem eru hæfir til að fjárfesta í þeim.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (1)
Umsjónaraðili
Skrifstofa fjármálamarkaðar
postur@fjr.is