Umhverfis- og auðlindaráðuneytið kynnir til samráðs drög að breytingu á reglugerð um gerð strandsvæðisskipulags. Markmið breytinganna er að mæla fyrir um nýtingarflokka fyrir strandsvæðisskipulag.

Með nýtingarflokkum eru lagðar fram áherslur um forgangsnýtingu á tilteknu svæði, auk þess að lýsa því hvaða önnur nýting er möguleg á viðkomandi svæði. Nýtingarflokkar strandsvæðaskipulags eru sambærilegir landnotkunarflokkum í aðalskipulagi sveitarfélaga en um þá er mælt fyrir í skipulagsreglugerð.

Nýtingaflokkar eru taldir forsenda þess að unnt sé að tryggja samræmda nálgun við skipulagsgerðina á landsvísu og hafa grundvallarþýðingu fyrir túlkun skipulagsins og samanburð mismunandi skipulagssvæða.

Sérstaklega er horft til þess að skilgreining og útfærsla nýtingaflokka geti stutt stjórnvöld sem best við að stuðla að fjölbreyttri nýtingu strandsvæða og skapað grundvöll fyrir ólíka nýtingu á sömu svæðum í þeim tilfellum sem ólík nýting getur farið saman í samræmi við markmið laga um skipulag haf- og strandsvæða.

Óskað er eftir umsögnum um reglugerðardrögin fyrir 2. nóvember.