Mennta- og menningarmálaráðuneyti áformar að setja reglugerð um minjasvæði og minjaráð, samkvæmt 10. gr. laga um menningarminjar nr. 80/2012.

Í ákvæðinu kemur fram að skipta skuli landinu í minjasvæði eftir ákvæðum í reglugerð sem ráðherra setur að fengnum tillögum Minjastofnunar Íslands. Á hverju minjasvæði starfar minjaráð, sem er samráðsvettvangur þar sem fjallað er um menningarminjar, varðveislu þeirra og nýtingu í þágu samfélagsins í samráði við Minjastofnun Íslands og höfuðsöfn sem skilgreind eru samkvæmt safnalögum, svo og önnur helstu söfn og stofnanir sem vinna að varðveislu menningarminja.