Fyrirhuguð er samningsgerð við Verzlunarskóla Íslands.

Mennta- og menningarmálaráðuneyti hyggst gera samning við Verzlunarskóla Íslands, með fyrirvara um staðfestingu fjármála- og efnahagsráðherra. Verzlunarskóli Íslands er bóknámsskóli sem sinnir kennslu námsbrauta til stúdentsprófs. Ráðgert er að samningur við Verzlunarskóla Íslands verði til 5 ára og byggi á grundvelli laga um framhaldsskóla nr. 92/2008 og 40. gr. laga um opinber fjármál nr. 123/2015. Áætlað er að samningurinn muni taka gildi 1. janúar 2022. Framlag árið 2021 var 1.600 m.kr. en endanlegt framlag ræðst af samningsgerð, áætluðum nemendafjölda og ákvörðun Alþingis um framlag í fjárlögum. Verzlunarskóli Íslands er með viðurkenningu skv. 12. gr. framhaldsskólalaga nr. 92/2008.