Með frumvarpinu verður lögð til breyting á orðaröðun 1. mgr. 6. gr. b. svo inntak ákvæðisins verði rétt með því að færa til röðun orða í 1. málslið. Ákvæðið fjallar um að losun gróðurhúsalofttegunda og upptaka sem fellur undir flokk landnotkunar, breyttrar landnotkunar og skógræktar hjá milliríkjanefnd Sameinuðu þjóðanna um loftslagsbreytingar skuli ekki leiða af sér nettólosun á tímabilinu 2021–2025 annars vegar og 2026–2030 hins vegar til að tryggja framlag Íslands til sameiginlegs markmiðs Íslands, Noregs og Evrópusambandsins. Með upptöku er átt við bindingu kolefnis úr andrúmslofti með tilteknum aðgerðum.

Jafnframt verður lagt til að EES-gerð verði innleidd og henni bætt við 47. gr. laganna. Um er að ræða ákvörðun framkvæmdastjórnarinnar (ESB)2021/1416 sem breytir tilskipun 2003/87/EB og varðar flug frá Bretlandi sem eru undanþegin gildissviði viðskiptakerfis ESB með losunarheimildir.