Tímalína máls
Til umsagnar
11.–26.1.2022
Í vinnslu
27.1.–27.3.2022
Samráði lokið
28.3.2022
Skjöl til samráðs
Mál nr. S-7/2022
Birt: 11.1.2022
Fjöldi umsagna: 0
Drög að frumvarpi til laga
Fjármála- og efnahagsráðuneytið
Markaðseftirlit og neytendamál
Drög að frumvarpi til laga um evrópska langtímafjárfestingarsjóði
Niðurstöður
Drög að frumvarpi til laga um evrópska langtímafjárfestingarsjóði voru birt í samráðsgátt stjórnvalda 11. janúar 2022. Frestur til að skila umsögnum var til 26. janúar 2021. Engar umsagnir bárust.
Málsefni
Fjármála- og efnahagsráðherra birtir til umsagnar drög að frumvarpi til innleiðingar í íslenskan rétt á reglugerð (ESB) 2015/760 um evrópska langtímafjárfestingarsjóði (ELTIF).
Nánari upplýsingar
Frumvarpið felur í sér ný heildarlög um evrópska langtímafjárfestingarsjóði. Meginefni frumvarpsins er því lögfesting ELTIF-reglugerðarinnar og nauðsynlegra ákvæða þar að lútandi, svo sem um hvernig eftirlit fari fram, um heimildir eftirlitsaðila til upplýsingaöflunar, viðurlagaákvæði og heimildir til setningar stjórnvaldsfyrirmæla.
Með gerðinni er settur rammi um notkun heitanna ELTIF og evrópskur langtímafjárfestingarsjóður fyrir þá rekstraraðila sem kjósa að markaðssetja slíkan sjóð. Í reglugerðinni er kveðið á um þau skilyrði sem uppfylla þarf til þess að unnt sé að markaðssetja sjóði sem þessa innan EES bæði til fagfjárfesta og einnig almennra fjárfesta. Þau skilyrði varða m.a. staðfestingu sjóðanna, samþykki yfirvalda á rekstraraðila ELTIF-sjóðs, fjárfestingarheimildir sjóðanna, gagnsæiskröfur og kröfur vegna markaðssetningar til almennra fjárfesta.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (1)
Umsjónaraðili
Skrifstofa fjármálamarkaðar
postur@fjr.is