Frumvarpið felur í sér ný heildarlög um greiðslureikninga. Frumvarpið er innleiðing á tilskipun Evrópuþingsins og ráðsins 2014/92/EB frá 23. júlí 2014 um samanburð gjalda vegna greiðslureikninga, skipti á greiðslureikningum og aðgengi að greiðslureikningum með grunneiginleikum. Með lögfestingu frumvarpsins verður tryggt að allir sem dvelja löglega til lengri tíma á Íslandi, fái aðgang að almennum greiðslureikningi. Þá verður neytendum auðveldað að skipta um greiðslureikninga og aðgengi almennings að upplýsingum um gjaldtöku vegna greiðslureikningi bætt, meðal annars með samanburðarvefsetri um gjöld sem tengjast greiðslureikningum. Samkvæmt frumvarpinu er ráðherra falið að setja reglugerð um samanburðarvefsetur um gjöld sem tengjast greiðslureikningum en slík vefsetur skulu vera óháð greiðsluþjónustuveitendum og veita áreiðanlegar og hlutlausar upplýsingar.