Með frumvarpi þessu eru lagðar til breytingar á lögum um Slysavarnaskóla sjómanna, nr. 33/1991, sem endurspegla fyrst og fremst breytingar sem hafa orðið á rekstri skólans frá gildistöku laganna.

Í fyrsta lagi er lagt til ákvæði þess efnis að Slysavarnafélagið Landsbjörg, sem annast rekstur skólans, haldi fjárreiðum hans aðskildum frá öðrum rekstri og starfsemi félagsins og verði heimilað að hafa rekstur skólans í sérstöku félagi.

Í öðru lagi eru lagðar til breytingar á ákvæðum er varða skólanefnd skólans sem skýra hlutverk þess og gera breytingu á aðkomu þess að ráðningu skólastjóra skólans.

Í þriðja lagi er gerð breyting á ákvæði um greiðslur til skólans þannig að kveðið sé á um þær séu samkvæmt þjónustusamningi við íslenska ríkið.